Seçmə mərhələ: İslandiya - Azərbaycan matçında ikinci qol vurulub - YENİLƏNİB - CANLI

DÇ-2026-nın seçmə mərhələsinin D qrupunda İslandiya - Azərbaycan matçında ikinci qol vurulub.

Moderator.az-ın məlumatına görə, İslandiya yığması fərqi 2:0-a çatdırıb.

47-ci dəqiqədə İsak Berqmann Yohannesson fərqlənib.

Qarşılaşma Reykyavikdəki "Lauqardalsvöllur" stadionuda keçirilir.

23:52

DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyununda ikinci hissə başlayıb.

Moderator.az xəbər verir ki, ilk hissədən sonra hesab meydan sahiblərinin xeyrinədir - 1:0.

Yeganə qolu 45+2-ci dəqiqədə Viktor Palsson vurub.

23:35

DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyununda ilk hissə başa çatıb.

Moderator.az xəbər verir ki, yığmamız fasiləyə 0:1 hesabı ilə məğlub yollanıb. Rəqibin heyətində qolu 45+2-ci dəqiqədə Viktor Palsson vurub.

Qeyd edək ki, qarşılaşmanı niderlandlı FIFA referisi Sander van der Eyk idarə edir.

22:45

DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyunu başlayıb.

Moderator.az xəbər verir ki, görüş Bakı vaxtı ilə saat 22:45-də start götürüb.

Qarşılaşmanı niderlandlı FIFA referisi Sander van der Eyk idarə edir.