“Qarabağ”dan Zəfər Günü qələbəsi - Yenilənib

Bizi sosial şəbəkələrdən izləyin:

"Qarabağ" UEFA Avropa Liqasının Liqa mərhələsində ilk qələbəsini qazanıb.

Ağdam təmsilçisi IV tura təsadüf edən oyunda Norveçin "Budyo-Qlimt" kollektivini 2:1 hesabı ilə üstələyib.

Bude şəhərindəki "Aspmira" stadionunda baş tutan görüşdə hesabı təmsilçimiz açıb. 23-cü dəqiqədə Toral Bayramov baxımlı zərbə ilə diqqət mərkəzinə düşüb. Bununla belə, meydan sahibləri fasiləyə qədər status-kvonu bərpa ediblər. 41-ci dəqiqədə Patrik Berq bərabərlik qolunun müəllifi olub. "Köhlən atlar"ın qalibiyyət qoluna isə Abdullah Zubir imza atıb. 69-cu dəqiqədə rəqib torunu silkələyən futbolçu "Qarabağ"a cari mövsüm avroliqada ilk qələbəsini qazandırıb.

Qeyd edək ki, Qurban Qurbanovun rəhbərlik etdiiyi kollektiv Avropa Liqasında növbəti oyununu noyabrın 28-də Fransa təmsilçisi "Lion"a qarşı keçirəcək.

***

Oyunda ikinci qol vurulub.

Moderator.az xəbər verir ki, 41-ci dəqiqədə "Budyo-Qlimt" klubunun heyətində Patrik Berq fərqlənib - 1:1.

***

22:14

Oyunda hesab açılıb.

Moderator.az xəbər verir ki, Ağdam təmsilçisinin heyətində 21-ci dəqiqədə Toral Bayramov baxımlı zərbə ilə adını tabloya yazdırıb.

21:44

UEFA Avropa Liqasının Liqa mərhələsinin IV turunun son oyun günündə 17 görüş keçirilir. "Qarabağ" bu turda Norveçin "Budyo-Qlimt" klubu ilə qarşılaşır.

"Aspmüra" stadionunda keçirilən qarşılaşma başlayıb.

21:00

UEFA Avropa Liqasının əsas mərhələsinin IV turu çərçivəsində bu gün Norveçdə üz-üzə gələcək "Budyo-Qlimt" və "Qarabağ" komandalarının start heyətləri bəlli olub.

Komandalar meydana aşağıdakı "11-lik"lərlə çıxacaqlar:

"Budyo-Qlimt": Nikita Haikin, Villads Nilsen, Fredrik Şyövold, Odin Byörtuft, Fredrik Byörkan, Patrik Berq, Xokon Evyen, Ulrik Saltnes, Yens Petter Hauq, Auqust Mikkelsen, Filip Sinkernagel

Baş məşqçi: Hyetil Knutsen

"Qarabağ": Mateuş Koxalski, Bədavi Hüseynov, Kevin Medina, Abbas Hüseynov, Patrik Andrade, Marko Yankoviç, Yassin Benzia, Abdullah Zubir, Emanuel Addai, Aleksey Kaşuk, Olavio Juninyo.

Baş məşqçi: Qurban Qurbanov.

Qeyd edək ki, "Aspmüra" stadionunda keçiriləcək "Budyo-Qlimt" - "Qarabağ" qarşılaşması Bakı vaxtı ilə saat 21:45-də start götürəcək.

08:00

Bu gün UEFA Avropa Liqasının Liqa mərhələsinin IV turunun son oyun günündə 17 görüş keçiriləcək.

Təmsilçimiz "Qarabağ" bu turda Norveçin "Budyo-Qlimt" klubu ilə qarşılaşacaq.

"Qarabağ" - "Budyo-Qlimt" görüşü ilə yanaşı daha doqquz matçında başlama saatı Bakı vaxtı ilə saat 21:45-dir.

Digər səkkiz oyun isə gecəyarısı start götürəcək.

Qeyd edək ki, UEFA Avropa Liqasında turun açılış oyununda "Beşiktaş" - "Malmö" ilə qarşılaşmışdı.

7 noyabr

UEFA Avropa Liqası

IV tur

Saat 21:45, "Qarabağ" - "Budyo-Qlimt";