Dünya futbolsevərlərinin mövsüm boyunca gözlədiyi UEFA Çempionlar Liqasının final görüşünə bir gün qalıb.

 

Moderator.az xəbər verir ki, "Uembli" stadionunda keçiriləcək futbol şousunda "Borussiya Dortmund"la "Real Madrid" üz-üzə gələcək.

 

Almaniya təmsilçisi final görüşündə "kral"ın tacını əlindən almağa çalışacaq. Amma dünyanın ən titullu komandasına qarşı bu heç də asan vəzifə sayılmır. Nəzərə alsaq ki, Ançelottinin "Real"ı "Mançester Siti" və "Bavariya" kimi rəqiblərini qabaqlayaraq finala adlayıb, o zaman "Borussiya Dortmund" klubunun nə ilə üzləşdiyini anlaya bilərik.

 

Hərçənd ki, "sarı-qaralar"da finala turist qismində yollanmayıblar. Onlar isə "Atletiko Madrid" və PSJ klublarını yollarından kənarlaşdırıblar. Bu mövsüm qitənin yaşıl meydanlarında baş verən qeyri sabit çıxışlara nəzər salsaq, Almaniya təmsilçisinin final görüşündə qalib gələ bilmə ehtimalını düşünə bilərik.

 

Rəqiblərin indiyədək üzləşdiyi görüşlərə nəzər salaq. Komandalar ümumilikdə 15 dəfə üz-üzə gəliblər. Bunlardan 7-də "Real Madrid", 3-də isə "Borussiya Dortmund" qalib gəlib. 5 dəfə isə heç-heçə qeydə alınıb. "Sarı-qaralar" bu görüşlərdə ümumilikdə 19, "kral" klubu isə 24 dəfə fərqlənib.

 

Maralıdır ki, komandaların tərkibində UEFA Çempionlar Liqasında ən çox qol vuran futbolçular artıq klublarda çıxış etmirlər. Bunlar karyerasını bitirən Marko Roys (24 qol) və Səudiyyə Ərəbistanının "Ən-Nəsr" klubunda çıxış edən Kriştianu Ronaldudur (105 qol). Bundan əlavə olaraq isə Cud Bellinqem final görüşündə keçmiş klubuna qarşı mübarizə aparacaq. Bu amil ulduz futbolçunun final görüşündəki çıxışına hansı dərəcədə təsir edəcək, bu isə sual altındadır.

 

Hər iki komandanın heyətində itkilər var. "Borussiya Dortmund"da Bensebani və Haller zədə üzündən görüşü buraxmalı olacaqlar. Duranvilli və Mori Bauzanın oynayıb-oynamayacaqları isə sual altındadır. "Real Madrid"də isə zədəli Lunin və Çuameni Ançelottinin ixtiyarında olmayacaqlar.

 

Xatırladaq ki, hər iki komandanın heyətində türkiyəli futbolçu çıxış edir və bu səbəbdən UEFA Çempionlar Liqasında ilk dəfə bir türk Kubokun sahibi olacaq. Bu futbolçular "Real Madrid"dən Arda Güler, "Borussiya Dortmund"dan isə Salih Özcandır.

 

Qeyd edək ki, "Borussiya Dortmund" "Real Madrid" arasındakı final görüşü iyunun 1-də "Uembli" stadionunda keçiriləcək.