Azərbaycanın çimərlik futbolu yığmasının II MDB Oyunları üçün yekun heyəti bəlli olub

Çimərlik futbolu üzrə Azərbaycan millisinin Belarusun paytaxtı Minskdə təşkil olunacaq II MDB oyunları üçün yekun heyəti açıqlanıb.

Heyətə 11 oyunçunun adı daxil edilib.

Qapıçılar: Elçin Qasımov, Vaqif Şirinbəyov
Oyunçular: Amid Nəzərov, Comərd Baxşəliyev, Elşad Manafov, Orxan Məmmədov, Fuad Hüseynov, İsa Zeynallı, Sabir Allahquliyev, Ramil Əliyev, Kamran Qürbətov

Yığma A qrupunda Belarus, İran və Birləşmiş Ərəb Əmirlikləri komandaları ilə qarşılaşacaq.

Azərbaycan millisinin oyunlarının təqvimi

5 avqust
20:00. Azərbaycan - İran

6 avqust
18:00. Belarus - Azərbaycan

7 avqust
16:30. Azərbaycan – Birləşmiş Ərəb Əmirlikləri

Qeyd edək ki, II MDB Oyunları avqustun 4-dən 14-dək Belarusun 11 şəhərində gerçəkləşəcək. İdmançılar 20 növdə mübarizə aparacaqlar. I MDB Oyunları 2021-ci ildə Rusiyanın Kazan şəhərində keçirilib. Azərbaycan 2025-ci ildəki III MDB Oyunlarına ev sahibliyi edəcək.