Bizi sosial şəbəkələrdən izləyin:
Azərbaycan millisinin futbolçusu Namiq Ələsgərov hazırda çıxış etdiyi Türkiyə “Bursaspor”unun basketbol komandasına dəstək olub.
“Report”un məlumatına görə, 27 yaşlı yarımmüdafiəçi “Frutti Extra Bursaspor”un evdə Yunanıstanın “Promiteas” klubuna qarşı keçirdiyi Avropa Kubokunun B qrupunun XIII tur matçını ailə üzvləri ilə birlikdə tribunadan izləyib.
Tofaş İdman Zalında oynanılan qarşılaşma meydan sahiblərinin 85:76 hesablı qələbəsi ilə başa çatıb.
Qeyd edək ki, Namiq Ələsgərov ötən ilin yayında “Bursaspor”la 2 illik müqavilə imzalayıb.