Milli Qəhrəman bayram günü şəhidlərimizi andı...
Gündəm
3866
31 Dec 2023 | 10:46

Milli Qəhrəman bayram günü şəhidlərimizi andı...

İbad Hüseynov: “Onlar hər zaman qəlbimizdədir!”

 

Azərbaycan Respublikasının Milli Qəhrəmanı İbad Hüseynov Moderator.az-a açıqlamasında Dünya Azərbaycanlılarının Həmrəyliyi Günü və Yeni il münasibətilə xalqımızı və Prezidentimizi təbrik edib, xoş arzu və istəklərini çatdırıb. Təbrikində şəhidlərimizi də yad edən Milli Qəhrəman, onların tarixi xidmətini bir daha diqqətə çatdırıb:

 

“Daha bir ili yaxşı və pislə geridə qoyduq. Yaxşısı o oldu ki, Qarabağımızı düşmənlərdən tam azad etdik! Pisi o oldu ki, şəhidlərimiz oldu. Allah şəhidlərimizə rəhmət eləsin... Onlar hər zaman qəlbimizdədir və hər zaman sevgi və ehtiramla anılacaq.

 

2023-cü ilə əlvida. 2024-cü il xoş gəldin! Hamıya, sağlamlıq, məhsuldarlıq, bolluq və əmin-amanlıq ili olsun.

 

Başda Müzəffər Ali Baş Komandanımız İlham Əliyev cənabları olmaqla, hər kəsin yeni ili mübarək olsun! İnanıram ki, yeni il doğma Azərbaycanımıza yeni-yeni uğurlar gətirəcək, xalqımıza böyük sevinc və müvəffəqiyyətlər bəxş edəcək”.

 

Seymur ƏLİYEV

 

Link kopyalandı!
Son xəbərlər