“Qaragöl ətrafının 90-95% -nə Azərbaycan ordusu nəzarət edir” - "Zangezur TV" - VİDEO

 

Moderator.az xəbər verir ki, bu haqda qəsbkar Ermənistanın "Zangezur TV" kanalının reportajında məlumat yayılıb.

 

“2 aydan çoxdur ki,  Azərbaycan qoşunları artıq gölün yaxınlığında səngərlər qazıb, mühəndislik işləri aparıblar.  Azərbaycan hərbçiləri yaxınlıqdakı Akner, Verişen, Xoznavar (Xəzinəvar - S.L.) kəndləri və Gorus şəhərini nişangah altında saxlayırlar” - erməni kanalının reportajında belə deyilir.

 

Xatırladaq ki, tarixən bütün Zəngəzur, Göyçə və s. əraziləri kimi, Qaragöl də bütövlükdə Azərbaycana məxsus olub. Hətta  sovet hakimiyyətinin Zəngəzuru Ermənistana bağışlamasından sonra da həmin göl Laçın rayonu ərazisində qalıb. Lakin sonradan digər sərhəd rayonlarında olduğu kimi, bu ərazi də Moskvanın təzyiqi və öz rəhbərlərimizin sadəlöhvlüyü sayəsində faktiki olaraq hissə-hissə Ermənistana verilib. Ancaq rəsmən və de-yure Qaragöl daim Azərbaycan  ərazisində olub və 1987-ci il noyabrın 17-də Azərbaycan SSR Nazirlər Sovetinin qərarı ilə Qaragöl respublikalararası Dövlət Təbiət Qoruğu yaradılıb...

 

Qaragöl haqqında ətraflı məlumatla Moderator.az-ın təqdim etdiyi materialda tanış ola bilərsiniz(bax: //moderator.az/arasdirma/377067/lacindaki-qaragl-sovet-isalinadek-butvlukde-azerbaycanin-olub-arasdirma/).