"Əlif lam mim" bağlı ayəsinin - SİRLƏRİ

Bizi sosial şəbəkələrdən izləyin:

Bu gün Ramazan bayramımı təbrik etmək üçün rəssam dostum Həmid bəy bizə qonaq gəlmişdi. Tanıtım üçün deyim ki, Həmid Məhərrəmov istedadlı rəssam olmaqla yanaşı, əbcəd və numorologiya elmlərinin də mahir bilicisidir. Əlindəki kağızlarda “Quran” üzərində apardığı bir neçə araşdırmanın qeydləri də vardı. Onun əbcəd hesabı ilə üzə çıxardığı hikmətlər diqqətimi çəkdi. Odur ki, bu hesablamaları moderator.az-ın oxucularına təqdim etmək qərarına gəldim (təbii ki, bir qədər əl gəzdirib, mətbuat üçün uyğun hala gətirdikdən sonra).

Ikinci hissə

(Birinci hissəni bu linkdən oxuya bilərsiniz:

//www.moderator.az/news/143640.html )

ƏLİF LAM MİM yaradılışa işarədir

Qurani-Kərimə diqqətlə nəzər salsaq görərik ki, bu müqəddəs kitab rəqəmlərdən və hərflərdən təşkil olunmuşdur. Hər bir hərfin də özünəməxsus yaradılış forması, etimoloji mənası vardır. “Quran”ümumilikdə 28 hərfdən təşkil olunub (ərəb əlifbasında 28 hərf var).

ƏLİF LAM MİM ümumilikdə altı surədə gəlir. Və yaradılışa işarədir.

“ƏLİF” birləşməsinin etimoloji mənası dost olmaq, cana yaxın olmaq, tanışmaq, qaynaşmaq kimi izah edilməkdədir. Bu birləşmə həm Allaha, həm də Adəmə işarə verir. Xəlifə Adəm əleyhissəlam Allahın ilk dostu, yaxını idi.

Adəm sözünün əbcəd hesabı ilə cəmi 45 ədədidir. Allah-təala Adəmi su ilə torpağın qarışığından yaratdı. Yuxarıda (birinci hissədə - P. Y.) qeyd etdim ki, “Quran”da torpaq 13 dəfə, su 32 dəfə keçməklə, bunların cəmi 45-ə (!) bərabərdir.

“LAM” hərf birləşməsini etimoloji cəhətdən təhlil etdikdə hidayət, hiss etmə, La İlahə İlləllah, tək olan Allah, mənası bildirir.

“MİM” birləşməsinin etimoloji təhlili isə, Müsəvvir, hər şeyi formaya salan, şəkil çəkən, surət verən, forma verən mənasını verir. Bütün bunlar Allah-təalaya xas olan xüsusiyyətlərdir. Bu yaradılışla Allah insanı gözəl, mükəmməl formada yaratmışdır.

“Mim” hərfində maraqlı bir məqama da diqqətinizi yönəldim ki, ərəb əlifbasında bu hərf kişi toxumuna (spermaya) bənzəyir. Bu da həmin hərfin yaradılışa işarə verdiyini bir daha təsdiqləyir.

Yaradılışda daha bir hikmətə nəzər salaq: uşaq doğularkən, dodaqları ilə anasının döşünü axtarır ki, süd içsin. 286 gün ana bətnində qalıb süd içməyən uşaq dünyaya gələn kimi süd axtarması Allahın onu hidayət etməsinə işarədir. Buradan aydın olur ki, Allah yaradıb forma, şəkil, surət verdiklərini hidayət də edir. Deməli, MİM hərf birləşməsi həm yaradılışa, həm də hidayətə işarədir.

“ƏLİF LAM MİM” hərf birləşməsi “Quran”da ilk olaraq “İnək” surəsində gəlir. Bu surənin ayələrinin sayının 286 olması da təsadüfü deyil. Belə ki, yuxarıda qeyd etdim ki, insanın ana bətnində yaranması da 286 günə başa gəlir: cütlüklərin görüşməsindən sonra toxumun bətnə düşməsi 6 gün + bətndə normal inkişaf 280 gün = 286 gün.

“Allah hər bir dişi məxluqun (bətnində) nə daşıdığını (oğlan, yaxud qız doğacağını), bətnlərin nəyi əskildib, nəyi artıracağını (qadınların bari-həmlini doqquz aydan tez, yaxud gec yerə qoyacağını, doğulacaq uşağın sağlam və xəstə olacağını, çox, yaxud az yaşayacağını) bilir. Hər şey Onun yanında müəyyən bir ölçü ilədir”. “Quran”, 13:8

Həmid Məhərrəmovun qeydlərini hazırladı: Paşa Yaqub