"Putin "ən təhlükəli silahını" La-Manşda gizlədir və hamı onu görür" - "Fox News"

Bizi sosial şəbəkələrdən izləyin:

"Rusiya "kölgə donanması" vasitəsilə neft gəlirlərini müharibəyə yönəldir..."

Rusiya "kölgə donanması"na aid neft tankerlerini hər ay La-Manş boğazından keçirir, buna baxmayaraq Qərb sanksiyaları qüvvədədir. Bu tankerler yüz milyonlarla dollar dəyərində neft daşıyır və Ukrayna müharibəsini maliyyələşdirir.

Moderator.az xəbər verir ki, bu barədə "Fox News" nəşri yazıb.

Təhlükəsizlik üzrə ekspert, professor Maykl Klark vəziyyətin "dənizdə hərbi qarşıdurmaya" çevrilə biləcəyini xəbərdar edir.

Tankerler müttəfiqlərin gözü qarşısında

Britaniya sahilindən iki saatlıq məsafədə jurnalistlər üç sanksiyaya məruz qalmış tankerlərin - "Rigel", "Hyperion" və "Kousai"-nin keçdiyini qeyd edib. "Rigel" Suezmax tipli, 270 metr uzunluğunda tanker olub, Primorsk limanından bir milyon barrel neft daşıyıb və təxminən 55 milyon dollar dəyərində qiymətləndirilir. Tanker Kamerun bayrağı altında fəaliyyət göstərir, Seyşel şirkəti tərəfindən idarə olunur və AB, Britaniya və Kanada sanksiyalarına məruz qalıb.

"Hyperion" hazırda Rusiya bayrağı altında fəaliyyət göstərir, lakin əvvəl başqa yurisdiksiya dəyişib - bu, "kölgə donanması"nın tipik taktikasına uyğundur. Bayraqların dəyişdirilməsi, qeyri-şəffaf mülkiyyət və şübhəli sığorta tankerlerin ciddi nəzarətdən yayınmasına imkan verir. "Kousai"nın keçidi zamanı Britaniya Sahil Mühafizəsi sığorta sənədlərinin təqdim olunmasını tələb edib, lakin hələ La-Manşda birbaşa həbs qeydə alınmayıb.

800 gəmi və milyonlarla barrel neft

Analitiklərin qiymətləndirməsinə görə, "kölgə donanması"nda 800-ə qədər gəmi var və Rusiya xam neftinin 60 faizi belə tankerler vasitəsilə ixrac olunur. Tankerlərdə neftin mənşəyini gizlətmək üçün bir neçə dəfə gəmilər arasında yükləmələr həyata keçirilir. Çin və Hindistan əsas alıcılar olsa da, sanksiyalar "Urals" neftinin "Brent"-ə nisbətən ucuz satışına səbəb olub və Rusiya illik gəlirlərini təxminən 25 faizə qədər itirib.

Sanksiyalar və güc senarisi mümkündürmü?

ABŞ əvvəllər Venesuelaya aid sanksiyalı tankerleri saxlayıb, Fransa isə Aralıq dənizində gəmiləri ələ keçirib. Britaniya isə hələlik əsasən sığorta yoxlamalarına diqqət yetirir. Professor Klark bildirir ki, müttəfiqlər daha sərt tədbirlərə keçə bilər: "Britaniya və Şimal Avropa dəniz dövlətləri bu gəmilərlə daha sərt davranmağa başlaya bilər".

Britaniya Müdafiə Nazirliyi artıq 600-dən çox gəmidən sığorta sənədlərini tələb edib və "kölgə donanmasının sarsıdılması" prioritetdir. Lakin tankerler hələ də La-Manşdan keçməyi davam etdirir və Kremlin Ukrayna müharibəsini maliyyələşdirməsi üçün vəsait təmin edir.