"Havana sindromu": ABŞ rus komponentləri olan sirli cihazı öyrənir" - CNN

Bizi sosial şəbəkələrdən izləyin:

"Həm diplomatlar, həm də hərbçilər arasında qeyri-izah edilən xəstəlik hallarının sirri yenidən diqqət mərkəzinə çıxıb..."

ABŞ Müdafiə Nazirliyi son bir neçə həftə ərzində gizli əməliyyat çərçivəsində rus komponentləri olan bir cihazı əldə edib.

Moderator.az xəbər verir ki, bu barədə CNN telekanalı məlumat yayıb.

Gizli əməliyyat və cihazın əldə edilməsi

CNN-in mənbələrinə görə, cihaz "Havana sindromu" - diplomatlar, casuslar və hərbçilər arasında qeyri-izah edilə bilən xəstəliklər seriyası ilə əlaqələndirir. Cihaz üçün Pentaqon "səkkizrəqəmli məbləğ" ödəyib, satıcı isə açıqlanmayıb. Cihaz portativdir və çantaya yerləşdirilə bilər, lakin gücü və istifadəsi hələ də ABŞ hərbi dairələri üçün əsas suallardan biridir.

Cihazın texniki xüsusiyyətləri və mümkün təsiri

Mənbələr bildirir ki, cihaz impuls radio dalğaları yaradır və tamamilə Rusiya istehsalı deyil, yalnız rus komponentləri ehtiva edir. Alınması ABŞ hökumətində "Havana sindromu"nun mahiyyəti ilə bağlı kəskin müzakirələri yenidən alovlandırıb.

Rəsmi terminologiyada bu hallar "anomal sağlamlıq epizodları" adlanır. 2016-cı ilin sonunda Kubadakı ABŞ diplomatları ilk əlamətləri - başgicəllənmə, güclü baş ağrıları, qusma və panik hücumlar, qəribə səslər - yüksək tezlikli səs və ya səs-küylü qıcıq kimi hissləri qeyd edib. Sonrakı illərdə oxşar hallar digər ölkələrdə də qeydə alınıb.

Araşdırmalar və mümkün Rusiya bağlantısı

2024-cü ilin aprelində "Insider" araşdırmasında iddia edilib ki, Havana sindromuna səbəb olan enerji təsirini Rusiya Baş Hərbi Kəşfiyyat İdarəsinin 29155 saylı hərbi hissəsi həyata keçirib.

ABŞ hərbi və kəşfiyyat dairələri cihazın hadisələrlə əlaqəsini hələ də dəqiq müəyyən etməyə çalışır. Pentaqon son zamanlarda konqres komitələrinə təqdim etdiyi hesabatda cihazın testlərini qeyd edib. Cihazın öyrənilməsi davam edir və onun Havana sindromu ilə əlaqəsi barədə mübahisələr hələ də gündəmdədir.