"Tramp Rusiyaya qarşı sanksiyaları sürətləndirir, ABŞ sülhməramlı məsələsində ehtiyatlıdır" - "Politico"

Bizi sosial şəbəkələrdən izləyin:

"ABŞ və Avropa Ukraynaya dəstəyi koordinasiya edir, amma öhdəliklər hələ tam deyil..."

ABŞ prezidenti Donald Tramp Rusiyaya qarşı sanksiyaların sərtləşdirilməsini nəzərdə tutan ikipartiyalı qanun layihəsinə "yaşıl işıq" yandırıb.

Moderator.az xəbər verir ki, bu barədə senator Lindsi Qrem bəyan edib. Məlumatı "politico.org" nəşri yayıb.

ABŞ Rusiyaya qarşı sanksiyaları gücləndirir

Qrem vurğulayıb ki, qanun layihəsi Trampa Rusiyadan ucuz neft alan ölkələrə qarşı sanksiya tətbiq etmək imkanı verəcək və bu addım Çin, Hindistan və Braziliya kimi ölkələrə təzyiq mexanizmi rolunu oynayacaq. Səsvermənin gələn həftə baş tutacağı gözlənilir.

Avropa və ABŞ: nümayişkaranə birlik, amma konkret öhdəlik yoxdur

Paris sammitində "İstəklilər koalisiyası" çərçivəsində ABŞ və Avropa Ukraynaya dəstək məsələsində birgə mövqe nümayiş etdirib. ABŞ təhlükəsizlik protokollarını əsasən razılaşdırsa da, sülhməramlı qüvvələrin yerləşdirilməsində birbaşa iştirak etməyib.

Fransa atəşkəsdən sonra Ukraynaya minlərlə əsgər göndərə biləcəyini açıqlayıb, Böyük Britaniya də bu addımı dəstəkləyir. Almaniya yalnız atəşkəs və Bundestaqın qərarından sonra mövqeyini bildirəcək, İtaliya isə missiyada iştirakdan imtina edib.

Sülhməramlılar və gələcək təhlükəsizlik zəmanətləri

Sülhməramlı qüvvələrin əsas funksiyası döyüş əməliyyatlarında iştirak deyil, Ukrayna səması və dəniz məkanının qorunması, həmçinin Silahlı Qüvvələrin hazırlığı və logistika dəstəyidir. Bu, Rusiyanın mümkün yeni eskalasiyası üçün ciddi çəkindirici amil yaradır. ABŞ hələ birbaşa hərbi öhdəlik götürməsə də, Avropa ölkələri vasitəsilə Ukraynanın təhlükəsizlik arxitekturasının formalaşdırılması prosesi gedir.