"Yeni il gecəsində Rusiya Ukraynaya dron hücumları həyata keçirib" - Ukrayna KİV-ləri

Bizi sosial şəbəkələrdən izləyin:

"Rusiya müntəzəm olaraq dronlarla Xersonun mülki əhalisini hədəfə alır..."

Yeni ilin ilk gecəsində Rusiya Ukraynanın müxtəlif regionlarına, xüsusilə Volın və Odessa əyalətlərinə hücum edib.

Moderator.az xəbər verir ki, bu barədə "rbc.ua" nəşri məlumat yayıb.

Ukraynanın şərq və cənub bölgələrinə hücumlar

Məlumatda deyilir ki, Odessa şəhərində bir neçə dalğa dron hücumu qeydə alınıb. Nəticədə yaşayış binaları və infrastruktur zədələnib, bəzi obyektlərdə yanğınlar olub, lakin bütün hadisələr operativ şəkildə söndürülüb. Odessada 14 texnika və 55 yanğınsöndürən cəlb edilib, ölən və yaralananlar barədə məlumat yoxdur.

Volında da eyni gecə hava hücumları qeydə alınıb. Lutskda və Kovel rayonunda düşən dronlar yanğınlara səbəb olub. Volın enerji şirkətinin məlumatına görə, 103 min abonent işıqsız qalıb. Regionun hərbi administrasiyası və yerli xidmətlər yanğınların söndürülməsi üzrə fəaliyyət göstərib.

Xerson və digər ərazilər

Rusiya tərəfindən təyin edilmiş "Xerson qubernatoru" Vladimir Saldo yeni il gecəsi Ukrayna tərəfindən guya Xersonun Korlax kəndindəki kafelər və mehmanxanalara dron hücumu olduğunu iddia edib, 24 nəfərin öldüyünü, 50 nəfərin yaralandığını yazıb. Rəsmi Kiyev bu iddiaları hələ şərh etməyib.

"Human Rights Watch" və BMT-nin məlumatına görə, Rusiya müntəzəm olaraq dronlarla Xersonun mülki əhalisini hədəf alır. Bu hücumlar yüzlərlə mülki şəxsin yaralanmasına və onlarla insanın ölümünə səbəb olub.

Kütləvi dron hücumları və hava müdafiəsi

Ukrayna Hərbi Hava Qüvvələrinin məlumatına görə, dekabrın 31-dən yanvarın 1-nə keçən gecə Rusiyanın 205 dronla hücumu olub, bunlardan 130-u "Shahed" tipli olub. HHM və mobil müdafiə qrupları əksər dronları vurub. 15 müxtəlif ərazidə 24 dron hədəfə çatıb. Volın və Odessa ilə yanaşı, Sumi və Zaporojye də hücumlardan zərər görüb; Zaporojyədə beş nəfər, o cümlədən yeniyetmə, yaralanıb.

Rusiyada dron hücumları və yanğınlar

Eyni zamanda, Rusiyanın Kaluqa və Krasnodar regionlarında dron hücumları qeydə alınıb. Hədəflər arasında neft anbarları və emal zavodları olub. Kaluqada "Rosneft"in anbarında, Krasnodarda isə emal zavodunda yanğınlar baş verib. Video və yerli məlumatlar hücum sonrası obyektlərin yanmasına işarə edir.

Rusiya Müdafiə Nazirliyi Ukraynanın 168 dronunun vurulduğunu açıqlayıb. Eyni zamanda, Ukrayna HHQ və UTX Rusiyanın strateji obyektlərinə cavab zərbələri endirib, o cümlədən Tualpsin neft emalı zavodu və Tamaneft terminalı zədələnib.