"Trampın "Tomahawk"ı işə düşdü, amma Ukraynanın xeyrinə olmadı" - "Deutsche Welle"

Bizi sosial şəbəkələrdən izləyin:

"Vladimir Zelenski Vaşinqton görüşündən "Tomahawk" raketlərsiz qayıdır, Ukraynada görüşdən məyusluq yaranıb..."

ABŞ prezidenti Donald Trampla Ukrayna prezidenti Vladimir Zelenskinin 17 oktyabr görüşünün nəticə verəcəyinə ümidlər vardı.

Moderator.az xəbər verir ki, bu barədə "dw.com" nəşri yazıb.

"Tomohawk"lara ümid

Ukraynada gözləntilər bundan ibarət idi ki, görüş ABŞ-dan uzunmənzilli "Tomahawk" raketlərinin tədarükünə dair konkret razılaşma gətirəcək, bu raketlər Ukrayna Silahlı Qüvvələrinin qışdan əvvəl Rusiya enerji obyektlərinə qarşı zərbələr endirməsinə imkan verə biləcək. Həm Trampın ritorikasında, həm də ukraynalıların ehtiyatlı bəyanatlarında bu cür razılaşma ehtimalına işarələr vardı.

Telefon zəngi və diplomatiyanın üstünlüyü

Trampın Putinlə telefon danışığından və onların Budapeştdə görüşəcəklərinə dair açıqlamalardan sonra vəziyyət dəyişdi. "Axios"-un məlumatına görə, Tramp cümə günü Zelenskiyə "Tomahawk" vermək fikrində olmadığını bildirib, prioriteti diplomatiya hesab edir. Ukrayna hiss edir ki, görüşdən əvvəl oyun qaydaları dəyişdirildi, buna baxmayaraq nümayəndə heyəti görüşü keçirib. Zelenskinin "Tomahawk" müqabilində dron təklifi də nəticə vermədi, baxmayaraq ki, Tramp dronlara maraq göstərib. Politoloqlar hesab edir ki, "Tomahawklar" Tramp üçün siyasi-psixoloji təzyiq vasitəsi kimi qalır və buna görə də dərhal verilməyəcək.

Müxalifət tənqid edir

Tramp görüşdən sonra Zelenskiyə hətta Putinə etdiyi kimi "bir razılaşma" təklif etdiyini yazıb, Zelenski isə müharibəni Ukraynanın başlamadığını xatırladıb. Rəsmi Kiyev hələ mövqe ilə bağlı geniş açıqlama verməyib və Avropa tərəfdaşları ilə məsləhətləşmələr ola bilər. Müxalifət isə görüşün nəticəsizliyini tənqid edir və ukraynalılara öz təhlükəsizliyi və müdafiəsini gücləndirməyi tövsiyə edir - müvəqqəti dayandırma belə yekun sülh sayılmamalıdır, daha çox fasilədir.