Rəsul Quliyevin ailəsi 30 ildən sonra Bakıda - FOTOLAR

Bu gün Azərbaycan Respublikası Milli Məclisinin ilk sədri Rasul Quliyevin ailə üzvləri 30 ildən sonra ilk dəfə Azərbaycana səfər edib.

Moderator.az xəbər verir ki, bu barədə Rəsul Quliyevin qızı Xanım Hənna özünün "Facebook" hesabında məlumat verib.

Quliyevin ailə üzvləri səfər zamanı Fəxri Xiyabanda Ulu Öndər Heydər Əliyevin, görkəmli oftalmoloq-alim Zərifə xanım Əliyevanın və digər dövlət xadimlərini məzarlarını ziyarət edib, Şəhidlər Xiyabanında olublar.

"30 ildən sonra ailə üzvlərimlə birlikdə vətənimiz Azərbaycana gəldik. Çox xoşbəxtəm. Bakımızı 30 ildən sonra kəşf etmək, həyata keçirilmiş quruculuq, abadlıq işləri ilə tanış olmaq, paytaxtımızı müasir və inkişaf etmiş görmək çox qürurvericidir. Deməliyəm ki, dünyanın ən məşhur paytaxt şəhərlərində olmuşuq, lakin bizim paytaxtımız təkcə təmizliyi ilə deyil, zövq və gözəlliyi ilə də onların hamısından öndədir. Başda müzəffər Ali baş komandan, Prezident İlham Əliyev olmaqla, hər kəsə dərin təşəkkürlərimizi bildiririk. Təşkil olunmuş yüksək qonaqpərvərliyə görə isə ayrıca minnətdarıq. Hər bir azərbaycanlı kimi fəxr edirik ki, biz azərbaycanlıyıq" - Xanım Hənna bildirib.