"Qəzza böhranı: HƏMAS təslim olmur, İsrail və Misir bir-birini ittiham edir" - "Guardian"

Bizi sosial şəbəkələrdən izləyin:

"İsrailin fələstinlilərə qarşı kollektiv cəzalandırması onları öz torpaqlarından çıxarmağa məcbur edə bilməz..."

BMT Baş Assambleyasının sessiyası ərəfəsində BMT və ABŞ Qəzza üçün texnokrat hökuməti və bir illik idarəni nəzərdə tutan plan üzərində işləyir. Məqsəd HƏMAS-ı silahsızlandırmaq, beynəlxalq qüvvələr yerləşdirmək və qarşıdurmanın qarşısını almaqdır.

Moderator.az xəbər verir ki, bu barədə "guardian.com" nəşri məlumat yayıb.

BMT və ABŞ Qəzza üçün yeni plan hazırlayır

Planın əsas ideyası Amerika və İsrail tərəfinin əvvəlki "kütləvi deportasiya" yanaşmasından imtina etməsidir. Fələstinin Böyük Britaniyadakı səfiri Hüsam Zomlot bildirib ki, gələcək seçkilərdə HƏMAS-ın iştirakı daxili islahatlardan asılı olacaq:

"Bizdə tək qanun, tək hökumət və tək hüquq-mühafizə orqanı olmalıdır. HƏMAS Fələstin xalqının siyasi və sosial təbiətinin bir hissəsidir və bir günə yox olmayacaq. Biz məqsədimizi zorakılıqla deyil, islahat və daxili dialoqla həyata keçirəcəyik", - səfir vurğulayıb.

Ərəb və müsəlman ölkələri, o cümlədən Qətər, Səudiyyə Ərəbistanı və Misir HƏMAS-ı silahları təhvil verməyə və Qəzzadakı hakimiyyətini təhvil verməyə çağırıb. Bu çağırış 22 ərəb dövləti, Avropa İttifaqı və 17 digər dövlət tərəfindən dəstəklənib. Sənəddə vurğulanır: "İdarəetmə, hüquq-mühafizə və təhlükəsizlik yalnız beynəlxalq dəstək alan Fələstin Administrasiyasının əlində olmalıdır".

HƏMAS və ABŞ-İsrail diplomatiyası

Prezident Donald Tramp HƏMAS-la əsir mübadiləsi üzrə danışıqların gedişatını şərh edib. Onun dediyinə görə, hələ də təxminən 20 əsir sağdır və onların azad olunması üçün böyük diplomatik səylər tələb olunur: "Azad olunmaları daha yaxşı nəticələr gətirə bilər. Lakin son 10-20 əsirin azad olunması böyük güzəştlər tələb edir və bu kapitulyasiya sayılardı", - Tramp vurğulayıb.

HƏMAS isə təslim olmağa hazır deyil. Onlar "şərəfli müqavilə" çərçivəsində müharibəni dayandırmaq və Qəzzanın idarəsini saxlamaq istəyir. Hərbi zərbələr və böyük itkilərə baxmayaraq, hərəkat diplomatik və strateji mövqelərini qorumağa çalışır. Ekspertlər bildirir ki, HƏMAS ideoloji baxımdan təslim olmağı qəbul etmir və hər hansı razılaşmanı yalnız "şərəfli müqavilə" çərçivəsində görür.

Misir və İsrail arasında gərgin humanitar qarşıdurma

Misir Qəzzadakı sakinlərin könüllü çıxışına icazə verməyəcəyini və bu məsələnin "qırılmaz qırmızı xətt" olduğunu bəyan edib. Misir Xarici İşlər Nazirliyi İsraili Qəzzadakı humanitar böhranı artırmaqda ittiham edir və bildirib ki, İsrail aclığı "təzyiq aləti" kimi istifadə edir.

İsrail isə Misirin mövqeyinə sərt cavab verib. Baş nazir Binyamin Netanyahu bildirib ki, Qəzzadakı sakinlərin azad seçim hüququ təmin edilməli, Rafah sərhəd-keçid məntəqəsi açılmalıdır. Netanyahu Misiri sakinlərini "müharibə zonasından çıxmağa mane olmaqla" ittiham edib və insan haqlarının əhəmiyyətini vurğulayıb.

Qətər də Misirin mövqeyini dəstəkləyərək bildirib: "İsrailin fələstinlilərə qarşı kollektiv cəzalandırması onları öz torpaqlarından çıxarmağa məcbur edə bilməz. Yalnız Fələstin dövlətinin 1967-ci il sərhədləri çərçivəsində yaradılması və Şərqi Qüdsün paytaxt olması bölgədə sülhün təminatıdır".