Millət vəkili Vüqar Rəhimzadə Ordubadın bir neçə kəndində şəhid ailələrini və ən yaşlı sakinləri evlərində ziyarət edib - FOTO

Bizi sosial şəbəkələrdən izləyin:

Milli Məclisin deputatı Vüqar Rəhimzadə Ordubad rayonunun Dırnıs və Unus kəndlərində Şəhidlər xiyabanlarını ziyarət edib, Dırnıs kəndindən olan şəhid Quliyev Azər Nuru oğlunun, Unus kəndindən olan şəhid Yusifov Vüsal Nizami oğlunun və Anaqut kəndindən olan şəhidlər Quliyev Sərxan Elxan oğlunun və Məmmədov Maarif Rəşid oğlunun evlərində ailələrini ziyarət edib.

Moderator.az xəbər verir ki, görüşlərdə Vüqar Rəhimzadə bildirib ki, torpaqlarımızın azadlığı uğrunda şəhidlik zirvəsinə ucalan Vətən övladlarının hər birinin həyat yolu indiki və gələcək nəsillər üçün vətənpərvərlik məktəbidir. Azərbaycan xalqı hər zaman mübariz oğul və qızlarının şücaətini yüksək qiymətləndirir, bütün şəhidlərimizin ruhuna ehtiram göstərir, xatirəsini daim uca tutur.

Şəhidlərin ailələri göstərilən diqqət və qayğıya görə Prezident İlham Əliyevə və Azərbaycanın Birinci vitse-prezidenti Mehriban xanım Əliyevaya minnətdarlıqlarını ifadə ediblər.

Milli Məclisin deputatı Dırnıs kəndinin ən yaşlı sakinləri 97 yaşlı Rzayeva Səlbi Fərman qızını, 91 yaşlı Möhsünov Adil Sadıq oğlunu, Kələki kəndinin ən yaşlı sakini 90 yaşlı Əhmədova Əsmər Məmiş qızını, Pəzməri kəndinin ən yaşlı sakini 86 yaşlı Abdullayev Ramazan Fərman oğlunu və Unus kəndinin ən yaşlı sakini 98 yaşlı Abdullayev Zaman Fərman oğlunu evlərində ziyarət edib, onlara ən xoş arzularını çatdırıb.

Görüş zamanı kənd sakinləri dövlətimizin göstərdiyi diqqət və qayğıya görə minnətdarlıqlarını bildirib və ziyarət üçün millət vəkilinə təşəkkür ediblər.