Silahlar yenidən İŞƏ DÜŞDÜ: İrəvan sülhdən İMTİNA EDİR?

Mövzu ilə bağlı Medianews.az-a danışan hərbi ekspert Elxan Şıxəliyev bildirib ki, Ermənistn silahlı qüvvələrinin birinci eşelon bölmələri növbəti dəfə Laçın istiqamətində atəşkəs rejimini pozub.

Onun sözlərinə görə, qalib Azərbaycan sülh sazişinin imzalanması gözləntisində olsa da məğlub Ermənistan sürətlə silahlanır, bu kimi təxribatlar törətməklə sülhün əldə edilməsində maraqlı olmadığını nümayiş etdirir: “Atəşkəs mərhələsi elədir ki, bu, sülh sazişinə də keçə bilərdi, yaxud birinci eşelon bölmələrində atəşkəsin pozulması nəticəsində qarşıdurmaya da gətirib çıxara bilərdi. Görünən odur ki, indi Ermənistan hər bir halda sülh sazişindən daha çox münaqişənin yeni mərhələsinə keçməkdə maraqlıdır. Xüsusən də indi Ermənistanı cəsarətləndirən qüvvələr var. Xüsusən də Fransanın moderatorluğunda Ermənistan sürətlə silahlanır. İrəvandakılar düşünürlər ki, artıq Cənubi Qafqazdda Azərbaycanla hər hansı bir revanşist əməliyyatları aparacaq bir gücə gəlib çatıblar. Bu səbəbdən biz müxtəlif istiqamətlərdə atəşkəsin pozulmasını və bundan sonra Ermənistanın təhriklərini gözləməliyik. Azərbaycanın cavabının da adekvat olacağını Ermənistan bilməlidir”.