BDU-da Türkiyə, Qazaxıstan və Bolqarıstan nümayəndə heyəti ilə görüş - FOTO

 

Bu barədə Moderator.az-a BDU-dan məlumat verilib.

 

Bildirilib ki, görüşdə Türkiyənin Ege Universiteti, Yıldız Texniki Universiteti, Sivas Cümhuriyyət Universiteti, Koç Universiteti, Yaşar Universiteti, Bolqarıstanın Stefan Angelof adına Mikrobiologiya İnstitutu, Qazaxıstanın Almatı Texnoloji Universitetinin nümayəndələri  iştirak ediblər.

 

Qonaqları salamlayan rektor Elçin Babayev bildirib ki, əməkdaşlığın inkişaf etdirilməsi, beynəlxalq elm və təhsil təşkilatları, dünyanın nüfuzlu universitetləri və elmi qurumları ilə əlaqələrin genişləndirilməsi BDU-nun inkişaf strategiyasının prioritet istiqamətlərindəndir. BDU ICESCO ilə əlaqələrə xüsusi önəm verir, ikitərəfli və çoxtərəfli müstəvilərdə əməkdaşlığı uğurla davam etdirir. BDU-da Azərbaycanda ICESCO-nun ilk ixtisaslaşdırılmış Biotibbi materiallar kafedrasının yaradılması elmin bu vacib sahəsi üzrə beynəlxalq əməkdaşlığın inkişafına xidmət edir. Rektor ICESCO ilə elm, təhsil, mədəniyyət sahələrində də əməkdaşlığı dərinləşdirmək istiqamətində yeni imkanlar üzərində çalışır.

 

Görüşdə universitetlər arasında birgə elmi tədqiqat işlərinin aparılması, ortaq qrant layihələrinin hazırlanması, adları qeyd olunan universitetlərin akademik heyətinin BDU-da magistratura pilləsində dərslərin aparılmasına cəlb olunması, biotibbi materiallar, kimya və biologiya sahələri üzrə magistr pilləsi üçün ikili diplom proqramlarının yaradılması ilə bağlı məsələlər müzakirə olunub.