Makron diktaturasının yaratdığı REALLIQ: Fransa Azərbaycana MÖHTAC QALIR – FOTO

Siyasi şərhçi, Fransa-Azərbaycan siyasi-iqtisadi münasibətlərinin son beş ilə qədər artan dinamika ilə inkişaf etməsinə də fikir yönəldib: “Uzağa getməyək. 2020-ci ilə kimi Azərbaycanda 40-dan çox fransız şirkəti fəaliyyət göstərib. Hətta xatırlayıram, 2016-cı ildə Fransanın Azərbaycandakı fövqəladə və səlahiyyətli səfiri xanım Orelia Buşez Bakının Cənubi Qafqazda Parisin mühüm tərəfdaşlarından olduğunu, həmçinin ölkəsinin əməkdaşlığın genişləndirilməsində maraqlı olduğunu bildirmişdi. Səfir Azərbaycanda aparılan iqtisadi islahatların xarici şirkətlər, o cümlədən Fransa şirkətləri üçün əlverişli imkanlar yaratdığını demişdi”.

G.Səfərova vurğulayıb ki, 2020-ci ilə qədər Azərbaycan Fransa üçün mədəniyyət layihələri və bərpa işləri üçün 1.25 milyon avrodan çox pul ayırıb: “Strasburqda gündəlik nəşr edilən “Alzasın son xəbərləri” qəzetində dərc olunmuş “Azərbaycan xeyirxahlığı” sərlövhəli məqalədə ölkənin ən qədim kilsələrindən olan Notr-Damın təmirinə yardım edilməsi üçün Heydər Əliyev Fondunun prezidenti Mehriban xanım Əliyevanın göstərdiyi təşəbbüs yüksək qiymətləndirilmiş, Avropa Şurasının böyük dostu olan Azərbaycanın bu istiqamətdəki addımı təqdir olunmuşdu. Bəs Notr-Damın təmirindən sonra açılışında Makron bu barədə Azərbaycana təşəkkür bildirdimi? Xeyr. Heydər Əliyev Fondunun nəcib fəaliyyəti və Fransa xalqına dəstəyinə görə, bir kəlmə belə demədi.  Əslində belə layihələr sıraladıqca bitmir. Prezident İlham Əliyev də “Rossiya 24” kanalına verdiyi müsahibədə bildirmişdi ki, həm Ulu Öndər Heydər Əliyevin hakimiyyət gəldiyi, həm də özünün Prezident seçildiyi zaman dəvət aldığı ilk dövlət Fransa olmuşdu. Bəs nə dəyişdi?”

Siyasi şərhçi deyib ki, geosiyasətdə iki dövlət arasında iqtisadi amillər nəzərə alınmaqla yanaşı, hər zaman milli maraqlar ön planda yer alır: “Makron hakimiyyətə gəldikdən sonra irqçiliyi əsas tutaraq, xaotik siyasət həyata keçirməklə 30 ilə yaxın Fransa və Azərbaycan rəhbərliyinin töhfə verdiyi siyasi-iqtisadi münasibətlərə zərbə vurdu. Fransız xalqının hər mənada üz qarasına çevrilən “lider” tarixdə ölkəsinin imicinə ziyan vuran, beynəlxalq arenada zəifləyən və diplomatik taktikaları sıfıra bərabər olan prezident kimi yadda qalacaq”.

G.Səfərovanın qənaətincə, Fransada Makrondan sonra gələcək prezidentə böyük məsuliyyətlər və neqativ şərait miras qoyulacaq: “Yeni gələcək prezident Cənubi Qafqazda perspektivli münasibətlər quracaqsa, bunu Ermənistan vasitəsilə deyil, Ümumi Daxili Məhsulu 75 faizdən artıq olan, Qərblə-Şərqi birləşdirən lokomotiv layihələrin icraçısı Azərbaycanla qurması məqsədəuyğundur. Fransanın bundan sonrakı yolu Cənubi Qafqazda Azərbaycandan keçəcək. Bu reallığı Makron diktaturasının özü yaratdı. Əks halda, başqa mənzərə ilə üzləşəcək. Çünki dünyada artıq ittifaq qruplaşmalarının sayı artıb. Bu qütbləşmələr Fransanın xeyrinə deyil”.