Dünyada ilk dəfə olaraq sifəti və əlləri transplantasiya edilən kişi toya hazırlaşır...

Bizi sosial şəbəkələrdən izləyin:

"Mən Conu daxilən sevirəm, o, mehriban, xeyirxah və mərd insandır, həyatda nə istədiyini bilir və yaşına görə çox yetkindir..."

Dünyada ilk dəfə olaraq sifəti və əlləri transplantasiya edilən kişi nişanlandığını elan edib.

Moderator.az xəbər verir ki, bu barədə "The Mirror" nəşri yazıb.

Altı il öncə, 2018-ci ilin iyul ayında gecə növbəsindən sonra Co DiMeonun özünün "Dodge Challenger" avtomobilinin sükanı arxasında yuxulaması səbəbindən avtomobili bordürə çırpılıb, sonradan alışaraq yanıb, bu qəza onun həyatını həmişəlik dəyişib.

Xoşbəxtlikdən, yaxınlıqda olan iki qəhrəman insan DiMeonu avtomobildən çıxararaq həyatını xilas edib. Lakin o, qəza nəticəsində həyatını dəyişən çoxsaylı travmalar alıb.

DiMeonun bədəninin 80 faizi üçüncü dərəcəli yanıqlara məruz qalıb və medikamentoz komaya salınaraq barmaqlarının ucları amputasiya edilib və 20-dən çox rekonstruktiv əməliyyat keçirib.

Lakin bununla onun işləri bitməyib, 2020-ci ilin avqustunda bu kişinin dünyada ilk dəfə olaraq sifəti və hər iki əlində uğurlu transplantasiya əməliyyatı aparılıb.

Əməliyyat təxminən 23 saat davam edib, onun uğurluluq dərəcəsi cəmi altı faiz olub. Bu məqamdan sonra onun əməliyyatı təbabətdə mühüm mərhələyə çevrilib.

DiMeo diqqətini öz həyatının bərpasına yönəldib, həmçinin Cessika Kobi ilə sevgi axtarışına baş vurub. Kobi onu internetdə axtarıb tapıb və cütlük tezliklə "İnstagram"da əlaqə yaradaraq itlərə olan sevgilərində ümumi dil tapıb.

Onların münasibətləri platonik hisslərdən romantikaya çevrilib, 33 yaşlı qız DiMeonun Nyu-Cersidəki evinin yaxınlığına köçüb. O zamandan bu münasibətlər daha da möhkəmlənib, bu yaxınlarda isə DiMeo İnternetdə cütlüyün nişanlanması barədə elan edib.

O, sosial şəbəkələrdə özünün və Kobinin boston-teryer cinsindən olan itlərin şəkillərini paylaşıb, altında "Dekabrın 5-də böyük hadisələr baş verəcək" sözlərini yazıb, smayliklərlə müşayiət edib. Fotolarda həmçinin Kobinin üzük gəzdirdiyi görünür.

Джо ДиМео и Джессика Коби / Фото: instagram.com/joeroydimeo / ©

Öz tərəfindən Kobi özünün "İnstagram" səhifəsində sevgi etirafını əks etdirən videoçarx paylaşıb, burada DiMeonun gəzinti zamanı Kobinin qarşısında diz çökdüyü və ona sevgisini etiraf etdiyi görünür.

Bundan öncə Kobi DiMeoya olan sevgisindən danışıb, onun "mehriban, xeyirxah və mərd" olmasının xoşuna gəldiyini göstərib.

"O, kifayət qədər sakit oğlandır. O, çox yaxşı dünyagörüşünə malikdir, danışdığı adamla söhbətə dəstək verməyi bacarır. Bu, mənim xoşuma gəlir, ona görə də düşünürəm ki, kim təhsilli və yaxşı söhbətcildirsə, o, cazibədardır", - o, "Daily Mail" nəşrinə müsahibəsində deyib.

"Mən Conu daxilən sevirəm, çünki o, maraqlı insandır, həyatda nə istədityini bilir və öz yaşına görə çox yetkindir", - Cessika hisslərini bölüşüb.