“Hər bir məktəbi bitirən gəncin ixtisas seçimi arzusu var. Amma bəzən bu arzu valideyinlərin müdaxiləsi ilə qarşılaşır. “Hər kəs ali təhsil ala bilər” fikri çoxdur, amma “hər kəs ali təhsil almaq istəyirmi?” fikri də var.

 

Bunu Moderator.az-a açıqlamasında psixoloq Aynur İsmayılova danışıb. Psixoloq onu da qeyd edib ki, uşaqları ixtisas seçimində sərbəst buraxmaq lazımdır: 

 

 

“Elə uşaqlar var ki, onlar oxumaq, yazmaq bacarığında aşağı pillədə ola bilər, amma digər yaradıcı işlərdə başqalarından üstün olar. Məsələn bu uşaqlar sənətkarlıqla məşğul olduqda daha yaxşı nəticə əldə edirlər. Bunlardan əlavə diqqət əskikliyi olan abituriyent olur və yaxud ixtisas seçimində valideyinin arzusu ilə uşağın arzusu qarşı-qarşıya gəlir. Bəzən ixtisas seçimi valideyinin dəstəyi ilə seçilirsə bu abituriyentlər çox vaxt imtahan verməkdə çətinlik çəkir və qəbul ola bilmirlər.

Övladları ali məktəbə qəbul ola bilməyən valideyinlərə xüsusi məsləhət görülür ki, uşaqlarınızı buna görə təhdid etməyin, gözdən salmayın, çünki ixtisas seçimi məhz o uşağın arzusu olsa belə sizin dəstəyiniz yerinə, başqa cür rəftar görür və eşidirsə bu övladın depressiyaya düşməsinə birbaşa kömək edir. Əgər uşaq yeni yetməlik yaşındadırsa deperssiyanın nəticəsi olaraq həmin uşaqlar bir çox hallarda çıxış yolu kimi intiharı seçə bilərlər. Çünki yeniyetmə yaşındakı bu uşaqlar 22 yaşına qədər diqqət mərkəzində olmağı daha üstün tuturlar. Bu səbəbdən də onlar gözdən salındıqda son olaraq da pozitivdən neqativə keçid edib özünə qəsd etmə ehtimalı ola bilər. Amma valideyinlər nəzərə almalıdırlar ki, ixtisas seçimi nə qədər önəmli olsa da, ali təhsil bir insan üçün nə qədər vacib olsa da, bunu bacarmayanları da gözdən salmaq lazım deyil. O mənada gözdən salmaq lazım deyil ki, o, ən böyük dəstəyi valideyinindən gözləyir. Ali təhsil almaq hər zaman, hər yaşda mümükün olan bir şeydir. Amma əgər övladınızın bacarığını başqa istiqamətlərdə görürsünüzsə elə istədikləri sahəyə də yönləndirmək lazımdır. Onlar belə halda daha çox uğur qazanacaqlar. Valideyinlər belə halları öncədən bilməli və nəzərə almalıdırlar. 

Ən əsası özünün gənclik arzusunu həyata keçirdə bilməyən valideyinlər bu baxımından övladlarına daha çox yüklənirlər ki, sən həkim, müəllim, mühəndis vəs. olmalısan. Amma nəzərə alaq ki, onun siz sadaladığınız sahələr həvəsi olmaya da bilər və həmin ixtisasa sahib olmalıdır qanunu da yoxdur. Bəlkə o uşağın gələcəyinə dair tamam başqa planları var, amma valideyinin onu bu cür yükləməsi, övladınən gələcəkdə hər hansısa ixrisası qazansa belə öz arzusu olmadığı üçün həvəslə yanaşmır belə olduğu halda isə iş tapa bilmir və nəticədə müxtəlif cür bəhanələrlə həmin ixtisasdan uzaqlaşır.”