2023-cü ilin ilk  Nobel mükafatçıları məlum oldu-FOTO

Bu gündən etibarən  “Nobel həftəsi” başlayır.

Moderator.az  xəbər verir ki, bir neçə dəqiqə bundan öncə artıq fiziologiya və tibb üzrə qaliblərin adı elan edildi.

Bunlar Pensilvaniya Universitetinin professorları Katalin Kariko və Drew Weissmandır. Onlara bu mükafat “COVID-19-a qarşı effektiv mRNT peyvəndlərinin işlənib hazırlanmasına imkan verən nükleozid bazası modifikasiyası ilə bağlı kəşflərinə görə” verilib.

Qeyd edək ki, oktyabrın 3-də fizika, 4-də kimya üzrə Nobel mükafatı laureatlarının adları açıqlanacaq.

Ədəbiyyat üzrə Nobel mükafatının sahibi oktyabrın 5-da bəlli olacaq. Oktyabrın 6-da sülh və nəhayət, oktyabrın 9-da iqtisadiyyat üzrə Nobel mükafatı qaliblərinin adları elan olunacaq.