Ruslar Pasxa bayramı atəşkəsi başlayan kimi ukraynalı əsirləri güllələdi...+VİDEO

Bizi sosial şəbəkələrdən izləyin:

Ukraynanın Xarkov vilayətində Rusiya işğalçıları dörd ukraynalı hərbi əsiri edam ediblər.

Moderator.az-ın "Fokus" nəşrinə istinadla verdiyi xəbərdə deyilir ki, "DeepState" analitiklərinin məlumatına görə, Rusiya Silahlı Qüvvələri öldürmək üçün "FPV" dronlarından istifadə edib.

"Ruslar Qulyay-Pole yaxınlığında Ukrayna təxliyə qrupunu öldürüb. Sözdə "atəşkəsə" baxmayaraq, düşmən həmişə etdiklərini davam etdirir. Bu gün, 1-11 aprel saat 17:30(Bakı- 18:30) radələrində Qulyay-Pole yaxınlığında ruslar "FPV" dronlarından istifadə edərək bir qrup yaralımızı öldürüblər", - videonun başlığında deyilir.

Kadrların özündə yaralı Ukrayna əsgərlərinin "FPV" dronlarından istifadə edərək öldürüldüyü görünür.

"TSN"-in yazdığına görə, bu məlumatlar Ukrayna Baş Prokurorluq və Birləçmiş Qüvvələr Qrupu tərəfindən də təsdiqlənib.

Hadisə 11 apreldə Xarkov bölgəsindəki Veterinarnoye kəndi yaxınlığında baş verib. İşğalçıların mövqelərə girərək Ukrayna Silahlı Qüvvələrinin əlahiddə mexanikləşdirilmiş briqadalarından birindən dörd əsgəri əsir götürdükləri və sonra onları qəsdən avtomatik silahlarla edam etdikləri müəyyən edilib.

"Veterinarnoye kəndi yaxınlığında rus işğalçıları dörd ukraynalı hərbi əsiri silahsız əsir götürdükdən sonra edam etdilər. Bu, Rusiyanın özünün elan etdiyi Pasxa atəşkəsi zamanı baş verdi. Əsirlərin edamı Rusiya ordusunun komandanlığı tərəfindən təsdiqlənmiş sistematik bir tətbiqidir", - deyə Birləşmiş Qüvvələr Qrupu qeyd edib.

Xatırladaq ki, 11 apreldə Ukrayna Silahlı Qüvvələrinin Baş Qərargahı "Pasxa atəşkəsi"nin başlanmasından bəri Rusiya qüvvələrinin atəşkəsi təxminən 500 dəfə pozduğunu bildirib.

"Fokus" həmçinin bildirib ki, Rusiya müvəqqəti bayram atəşkəsinin qüvvəyə minməsindən cəmi yarım saat sonra "atəşkəs"i pozub.

Ukrayna Silahlı Qüvvələri bu cür düşmən hərəkətlərinin Cenevrə Konvensiyasının kobud şəkildə pozulması olduğunu qeyd edib.

Xatırladaq ki, bundan əvvəl 225-ci əlahiddə həmlə alayının komandiri, Ukrayna Qəhrəmanı Oleq Şiryayev işğalçı qüvvələrin komandanlığının adi əsgərləri ukraynalı hərbi əsirləri edam etməyə təşviq etdiyini bildirmişdi.

S.Laçın