"Bal zalı sadəcə örtükdür" - Tramp Ağ Evdə gizli layihəni açıqladı - "NBC News"

Bizi sosial şəbəkələrdən izləyin:

"Yeni tikinti ətrafında mübahisələr və təhlükəsizlik arqumentləri..."

ABŞ prezidenti Donald Tramp Ağ evdə planlaşdırılan yeni bal zalı layihəsi ilə bağlı uzun müddətdir dolaşan iddialara aydınlıq gətirib.

Moderator.az xəbər verir ki, bu barədə "NBC News" nəşri yazıb.

Yerüstü zal, yeraltı hərbi kompleks

Trampın sözlərinə görə, bu tikinti sadəcə memarlıq layihəsi deyil - əslində daha geniş və strateji məqsəd daşıyır. O, jurnalistlərə bildirib ki, bal zalı layihəsi əslində yerin altında qurulan iri və yüksək mühafizəli hərbi kompleks üçün "örtük" rolunu oynayır. Bu məlumatın gizli saxlanılması planlaşdırılsa da, məhkəmə çəkişmələri səbəbindən açıqlanmalı olub.

Layihəyə görə, ümumi sahə təxminən 8 min kvadratmetrdən çox olacaq, yer altında çoxsəviyyəli hərbi infrastruktur yaradılır, yerüstü hissə gülləkeçirməz materiallarla tikilir, dam və konstruksiya dron hücumlarına qarşı qorunacaq. Yeni kompleks həm də mövcud Prezident fövqəladə əməliyyat mərkəzi ilə inteqrasiya ediləcək. Bu bunker hələ İkinci Dünya müharibəsi dövründə yaradılıb və indi tam modernləşdirilir.

400 milyon dollarlıq layihə və tənqidlər

Layihənin dəyəri təxminən 400 milyon dollar olaraq qiymətləndirilir. Tramp iddia edir ki, bu vəsait dövlət büdcəsindən deyil, şəxsi maliyyə və böyük şirkətlərin ianələri hesabına təmin olunur. Bu yanaşma, onun sözlərinə görə, prosesi sürətləndirməyə imkan verir.

Lakin layihə ciddi tənqidlər də doğurub. Xüsusilə Ağ evin tarixi Şərq qanadının sökülməsi qərarı mübahisələrə səbəb olub. ABŞ-ın keçmiş prezidenti Barak Obama də daxil olmaqla bəzi siyasətçilər bu addımı "yolverilməz" və "utandırıcı" adlandırıb.

Yeni təhlükəsizlik reallığı

Layihənin tərəfdarları isə əks arqument irəli sürür: onların fikrincə, Ağ evin mövcud təhlükəsizlik sistemi artıq müasir risklərə cavab vermir. Xüsusilə dron texnologiyalarının inkişafı və qlobal gərginlik fonunda belə bir kompleksin yaradılması zəruri hesab olunur.

Ekspertlər qeyd edir ki, sıx mühafizə olunan ərazidə bu miqyasda yeraltı kompleksin tikintisi texniki baxımdan misli görünməmiş layihədir. Tikinti işləri sürətlə davam edir və başa çatdıqdan sonra Ağ evin yalnız simvolik siyasi mərkəz deyil, həm də tam funksional hərbi idarəetmə məkanına çevriləcəyi gözlənilir.