Tramp savaşda Rusiyanın İrana köməyi ilə bağlı suala cavabdan yayındı...

Bizi sosial şəbəkələrdən izləyin:

Ağ Ev rəhbəri Moskvanın Amerika qüvvələrini hədəf almaq üçün Tehrana kəşfiyyat məlumatı verməsi ilə bağlı sualı "axmaq" adlandırıb.

Moderator.az bu haqda "Korrespondent" nəşrinə istinadla məlumat yayıb.

ABŞ prezidenti Donald Tramp Rusiyanın Amerika qüvvələrini hədəf almaq üçün İranla kəşfiyyat məlumatı paylaşması ilə bağlı sualdan yayınıb. Bu, Trampın qatıldığı "Universitet idmanını xilas edin" görüşündə jurnalistlərlə söhbət zamanı baş verib.

"CNN"-in məlumatına görə, sualı "Fox News" müxbiri Piter Dusi verib. O, prezidentə müraciət etməyə başlayıb: "Görünür, ruslar indi İrana amerikalıları hədəf almağa və hücum etməyə kömək edirlər."

Tramp belə cavab verib: "Bu, burada etdiyimiz işlərlə müqayisədə sadə bir problemdir. (...) Sizə son dərəcə hörmət edirəm. Həmişə mənə qarşı çox mehriban olmusunuz. Bu məqamda vermək üçün necə də axmaq bir sualdır. Biz başqa bir şeydən danışırıq. Bunu bir az təxirə sala bilərikmi?"

"CBS News"-a verdiyi müsahibədə ABŞ müdafiə naziri Pete Hagseth də Rusiyanın İrana mümkün yardımı ilə bağlı suala cavab verib. O bildirib ki, Tramp Rusiya və İran arasındakı əlaqələrdən tam məlumatlıdır.

"Amerika xalqı əmin ola bilər ki, onların baş komandanı (Donald Tramp – red.) kiminlə danışdığını dəqiq bilir. İstər açıq şəkildə, istərsə də qeyri-rəsmi kanallar vasitəsilə baş verməməli olan hər şey güclü müqavimətlə qarşılaşır. Biz hər şeyi izləyirik və bunu döyüş planlarımıza daxil edirik. Biz digər adamları riskə atırıq və bu, bizim işimizdir. Ona görə də biz bundan narahat deyilik. Hazırda narahat olmalı olan yeganə insanlar sağ qalacaqlarını düşünən iranlılardır", - deyə Heqset bildirib.

Lakin bu vəziyyət Tramp tərəfdarlarını qəzəbləndirməyə başlayır. Xüsusilə, respublikaçı konqresmen Co Uilson sosial media saytı "X-"də Rusiya diktatoru Vladimir Putinə ünvanlayan qəzəbli bir mesaj paylaşıb.

"Hərbi cinayətkar Putin İrana kəşfiyyat məlumatı verərək amerikalıları öldürür. Rusiya kütləvi xaos və ölümə görə məsuliyyət daşımalıdır", -Uilson belə yazıb.

S.Laçın