"Mossad" iranlılara müraciət etdi: "Siz tək deyilsiniz! Birlikdə İranı şanlı günlərinə qaytaracağıq!.."

Bizi sosial şəbəkələrdən izləyin:

"Mossad" İsrail və ABŞ tərəfindən həyata keçirilən genişmiqyaslı hücumların hədəfləri barədə iranlıları məlumatlandırıb.

Moderator.az-ın İsrail mediasına istinadla verdiyi xəbərə görə, "Mossad" İsrail və ABŞ-ın ölkə daxilindəki hədəflərə qarşı genişmiqyaslı hücumların başlaması kontekstində iranlılara müraciət yayıb.

"İranlı qardaş və bacılarımız, siz tək deyilsiniz! Sizin üçün yüksək təhlükəsiz və xüsusi bir telegram kanalı açdıq. Birlikdə İranı şanlı günlərinə qaytaracağıq. Rejimə qarşı ədalətli mübarizənizin foto və videolarını bizimlə paylaşın. Ən əsası, diqqətli olun! Biz sizinləyik", - deyə müraciətdə bildirilir.

Bundan əvvəl xəbər verilib ki, İsrail Müdafiə Qüvvələrinin paytaxtdakı prezident kompleksi və İran kəşfiyyat xidmətinin mərkəzi qərargahı da daxil olmaqla, hökumət obyektlərinə və hakimiyyətin əsas simvollarına qarşı hədəfli hücumlar barədə məlumatlar var. Ayətullah Əli Xamenei mərkəzi hədəfə alınıb.

Lakin İranın yüksək vəzifəli rəsmiləri iddia edirlər ki, Xamenei təxliyə edilib və hücum zamanı Tehranda olmayıb. ABŞ-ın yüksək vəzifəli rəsmisi ABŞ-ın İrandakı bir sıra strateji hədəflərə qarşı hücumlarının davam etdiyini təsdiqləyir.

İsraildə ABŞ-ın İrana qarşı hücumlarının ölkə ərazisinə təsir edən qisas tədbirlərinə səbəb ola biləcəyi ilə bağlı narahatlıqlar artıb. Təhlükəsizlik rəsmiləri riskləri raket hücumlarından tutmuş qonşu dövlətlərdə İranpərəst qüvvələrin iştirakına qədər çoxşaxəli hesab edirlər.

Xüsusilə Livanda "Hizbullah" terrorçularının və Yəməndə husilərin mümkün hərəkətləri narahatlıq doğurur.

"Səudiyyə jurnalisti Əbdürrəhman əl-Rəşid isə "Hizbullah" strategiyasının uğursuzluğunu qeyd edib və İsrailin qətiyyətini vurğulayıb. O, İsrailin bundan əvvəlki əməliyyatlarının İranın regional nümayəndələrini neytrallaşdırdığını bildirib və bunun, onun fikrincə, ayətullah rejiminin mümkün sonunu sürətləndirdiyini proqnozlaşdırıb.