İrana uranı zənginləşdirməyə qadağa qoyan Tramp Səudiyyə Ərəbistanına BU İCAZƏNİ VERİR...-İSRAİL TƏŞVİŞDƏ...

Bizi sosial şəbəkələrdən izləyin:

ABŞ və Səudiyyə Ərəbistanı arasında imzalanmış saziş layihəsinə əsasən, krallıq öz ərazisində uran zənginləşdirmək hüququ qazana bilər.

Moderator.az xəbər verir ki, bu barədə İsrailin "Maariv" nəşri məlumat yayıb.

ABŞ və Səudiyyə Ərəbistanı arasında yekun saziş Ər-Riyadın öz ərazisində uran zənginləşdirməsinə icazə verə bilər ki, bu da İsraildə və beynəlxalq nüvə silahlarına nəzarət üzrə mütəxəssislər arasında ciddi narahatlıq doğurur.

Media xəbərlərinə görə, imzalanmaq üçün hazırlanan sənəd Beynəlxalq Atom Enerjisi Agentliyi (MAQETE) ilə təminatlar imzaladıqdan sonra Səudiyyə Ərəbistanına həssas uran zənginləşdirmə və təkrar emal texnologiyalarına çıxış imkanı verilməsini nəzərdə tutur. Ekspertlər xəbərdarlıq edirlər ki, bu, nüvə silahlarının yayılmasına qarşı qlobal normaları zəiflətməklə təhlükəli bir presedent yarada bilər.

Vaşinqtonda yerləşən Silahlara Nəzarət Təşkilatının silahlarınyayılmaması siyasəti üzrə direktoru Kelsi Davenport qeyd edib ki, bu cür addımlar, xüsusən də İranla davam edən gərginlik nəzərə alınmaqla, Səudiyyə Ərəbistanının nüvə proqramının yaradılması üçün yol aça bilər.

Danışıqlar regional gərginliyin artması fonunda keçirilir. Keçən il Səudiyyə Ərəbistanı Pakistanla qarşılıqlı müdafiə müqaviləsi imzalayıb və Pakistan rəsmiləri zəruri hallarda krallığa nüvə imkanları təmin etmək ehtimalına işarə ediblər. Bundan əlavə, Səudiyyə Ərəbistanı vəliəhdi Məhəmməd bin Salman, İran nüvə silahı əldə edərsə, ölkəsinin də nüvə silahı əldə edəcəyini bildirib və bu, Yaxın Şərqdə silahlanma yarışı ilə bağlı narahatlıqları artırıb.

Əvvəllər Tramp və Bayden administrasiyaları Ər-Riyadla nüvə əməkdaşlığını inkişaf etdirməyə çalışaraq krallığın Rusiya və Çin kimi ölkələrdən asılılığını azaltmağa çalışırdılar. Lakin tənqidçilər qeyd edirlər ki, hazırkı təşəbbüslər öz ərazisində uran zənginləşdirməsindən imtina etmiş Birləşmiş Ərəb Əmirlikləri ilə ABŞ arasında bağlanmış müqavilədən əhəmiyyətli dərəcədə fərqlənir.

Səudiyyə Ərəbistanı hazırda müstəqil uran zənginləşdirmə müəssisələrini saxlamaq hüququnda israr edir və nəzarət və təhlükəsizlik məsələlərini siyasi müzakirələrin mərkəzinə qoyur.