İsrail baş nazirinin oğlu atasını döydüyünə görə ABŞ-a sürgün edilib...-"MAARİV"

İsrail Baş naziri Binyamin Netanyahunun təhlükəsizlik xidmətinin keçmiş rəhbəri Dror Ami Netanyahu ailəsi ilə bağlı bir sıra qalmaqalları üzə çıxarıb. Onlardan ən çox səs-küy salanı Yair Netanyahunun öz atasına hücumudur ki, bu, onun ABŞ-a məcburi getməsinə səbəb olub.

 

Moderator.az xarici telegram-kanallar və gigər mənbələrə istinadla xəbər verir ki, bu açıqlamalar D.Aminin İsrailin "Maariv" qəzetinə verdiyi son müsahibədə verilib.

 

1990-cı illərin sonlarından Netanyahu və həyat yoldaşının təhlükəsizliyini təmin edən və sonradan Netanyahuya qarşı etiraz hərəkatının liderlərindən biri olan keçmiş şəxsi cangüdən illərdir açıqlanmayan sirlərdən danışıb.

 

Qəzetə verdiyi podkast müsahibəsində Ami bildirib ki, "Yair atası, baş nazirə hücum edib və onu  döyüb, buna görə də şəxsi mühafizəçilər tərəfləri ayırmaq və gərginliyin qarşısını almaq üçün müdaxilə ediblər". O, hadisə nəticəsində Yairin ABŞ-a deportasiya edildiyini qeyd edib. Keçmiş mühafizə rəhbəri Yair Netanyahunun Mayamiyə göndərilməsi qərarının hadisədən dərhal sonra verildiyini aydınlaşdırıb və əlavə edib ki, baş verənlər, onun sözlərinə görə, "Netanyahu ailəsinin birdən çox üzvünü narahat edən müstəsna və əxlaqsız ailə davranış nümunələrindən" ayrıla bilməz.

 

2025-ci ilin fevral ayında İsrail baş nazirinin oğlu Yair Netanyahu, Knesset üzvü Naama Laziminin atasını döydüyü üçün xaricə göndərildiyini bildirdikdən sonra ona qarşı böhtan iddiası qaldırıb.

 

Dror Ami həmçinin Sara Netanyahunun kleptomaniyadan( oğurluq xəstəliyi -ehtiyacı olmadığı halda balaca, dəyərsiz əşyaları oğurlamaq istəyinə qarşı gələ bilməmək)  əziyyət çəkdiyini bildirib və onların qaldıqları otellərdən hədiyyələr və hətta dəsmal oğurladığını iddia edib. O, bu davranışı qeyri-etik adlandırıb və İsrail Baş nazirinin həyat yoldaşının şəxsiyyətinin gizli tərəfini ortaya çıxarıb. Saranın artan nüfuzundan danışan keçmiş cangüdən qeyd edib ki, əvvəlcə Netanyahu onun alidə hakim olmasına rəvac verib, lakin zaman keçdikcə xanım mövqeyini möhkəmləndirib və son illərdə "ağırlıq mərkəzi"nə çevrilib və "öz güclü mövqeyini qorumaq istəyi ilə" korrupsiya işlərində Netanyahu ilə razılığa gələ bilməmək həddinə çatıb. Ami əlavə edib ki, Sara oğlu Yairin atasının mövqeyini miras alacağına inanır, çünki o, onu "dünyanın ən ağıllı adamı" hesab edir və bununla da ailənin hakimiyyətdəki gələcəyi ilə bağlı siyasi ambisiyalarına və planlarına işarə edir.