“Azərbaycanın sülh naminə deyəcəyi çox sözü var”

Məlum olduğu kimi, Azərbaycan Trampın Sülh Şurasına Təsisçi Üzv Dövlət olmaq dəvətini qəbul edib.

Maraqlıdır, bu qurumda təmsilçilik Azərbaycana nə verəcək?

Moderator.az-a açıqlama verən politoloq Sona Əliyeva mövzu ilə bağlı maraqlı fikirlər səsləndirib:

“ABŞ Prezidenti Donald Tramp Sülh Şurası adlı beynəlxalq təşkilat yaratmaq qərarını elan edərək, Azərbaycan Respublikasını təşkilata Təsisçi Üzv Dövlət olmağa dəvəti ilk növbədə Vaşinqtonun Azərbaycana etimadının göstəricisidir. Artıq Azərbaycan beynəlxalq müstəvidə qlobal sülhə böyük töhfə verən dövlət kimi tanınır. Ölkəmiz Güney Qafqazın regional təhlükəsizliyinə böyük töhfə verib. Ermənistanla böyük sülh sazişinin imzalanmasında əsas təşəbbüskardır.

Ötən ilin avqustunda Ağ Evdə sülh sazişinin mətni ratifikasiya olundu. ABŞ prezidenti Tramp da həmin sənədə imza atdı və azərbaycanlı həmkarı İlham Əliyevi sülhə töhfə verən lider kimi bütün dünyaya təqdim etdi. Rəsmi Bakı Donald Trampın Sülh Şurası adlı beynəlxalq təşkilat yaratmaq qərarını alqışladığı bildirir və  Azərbaycan Respublikasını təşkilata Təsisçi Üzv Dövlət olmağa hazırdır.

Biz qlobal miqyasda sülhün və əmin-amanlığın təmin olunmasında əsas ölkələrdənik. Bizim sülh naminə deyiləcək çox sözümüz var. İndi biz dünyanın bütün sülhsevər təşkilatlarının diqqətini özümüzə çevirmişik. Zəngəzur dəhlizinin sülh zolağına çevrilməsinin əsas təşəbbüskarıyıq. Trampın adıçəkilən təşkilata Azərbaycanş dəvət etməsi isə bunun əyani sübutudur”.

Seymur ƏLİYEV