"İran raketləri Rusiya raketlərindən üstün olduğu kimi Amerika raketlərindən də üstündür..."

Bizi sosial şəbəkələrdən izləyin:

“İndi ABŞ-ın yalnız bir seçimi var: İranla danışıqlar aparmaq, ona əməkdaşlıq təklif etmək və onu öz strateji müttəfiqinə çevirmək... Bu saat ABŞ və İran arasında gizli danışıqlar gedir...”

“ABŞ-ın istənilən hücumuna cavab olaraq, Tehran birbaşa İsrail şəhərlərinə 500 “Xeybər” hiper-səs raketi atacaq. Bunlar 2000 kilometr mənzilli və 1,5 tonluq döyüş başlığı olan “canavar”lardır..."

Son həftələr İranda baş verənlərin mahiyyəti nədir və bu proseslər İrana qarşı ABŞ və ya İsrail hücumu ilə sonuclananacaqmı?..

Mövzu ilə bağlı Moderator.az-a açıqlamasında siyasi analitik Tahir Cəfərli aşağıdakı fikir və mülahizələri ifadə edib:

“İranda baş verən hadisələrə Azərbaycan prezidenti İlham Əliyevin apardığı balanslaşdırılmış siyasəti prizmasından baxmalıyıq. Bu nə deməkdir? Hər şeydən əvvəl geosiyasi balansı saxlamaq və heç bir ölkəni başqa ölkədən üstün tutmamaq. Balansı saxlamaq- hər şeydən əvvəl geo-siyasi tarazlığı saxlamaqdır. Odur ki, Azərbaycan tərəfi İranda gedən proseslərə qarışmadı və bir qonşu ölkə kimi Qərbin İrana qarşı apardığı siyasi oyunlarına qoşulmadı

İranda baş verən hadisələri obyektiv şəkildə işıqlandırmasaq üçün biz ilk növbədə bu ölkə ilə ABŞ arasında nə baş verdiyindən danışmalıyıq. Odur ki, bir az geriyə qayıtmalıyıq. Təhlilimizi İsrail-İran müharibəsindən başlayacağıq. Bu müharibə İsrail və ABŞ tərəfindən başlanıb və İranın şəhər və hərbi obyektləri bombalansa da, əslində İranın qalib gəlməsi ilə bitdi. Bu, ağıla gələsi deyildi... İsrail İranın hava hücumlarından müdafiə sistemlərini sıradan çıxardıqdan sonra İran səmasında Amerika və İsrail qırıcı və bombardmançı təyyarələri ağalıq edirdilər...

Sual olunur: bununla belə, İran tərəfi ballistik raketlər və dronlarla İsraili vururdu. Bu İsrail üçün gözlənilməz olduğundan kritik anda ABŞ prezidenti Donald Tramp İrana qarşı hərbi əməliyyatların dayandırılmasını əmr verdi. Bəs niyə?..

Prezident Trampın hərəkətlərinin mahiyyətini izah etməzdən əvvəl biz Rusiyanın Ukrayna geo-siyasi poliqonunda “Oreşnik” hipersəs raketindən istifadəsinin mahiyyətindən danışmalıyıq. “Oreşnik” ABŞ hava hücumundan müdafiə sistemlərinin zəifliyini üzə çıxardı. Bu hipersəs raketini vurmaq üçün NATO-nun gücsüzlüyünü göstərdi. Vaxt udmaq üçün Tramp Ukraynanı və Rusiyanı sülhə dəvət etdi və Rusiyanın bütün tələblərinə əməl edəcəyini dedi...

Prezident Tramp anladı ki, ABŞ-ın hava hücumlarından müdafiə sistemlərini təkmilləşdirmək lazımdır və NATO üzvlərinin hamısı müdafiə sisteminə üstünlük verməlidir. Pentaqon generalları İsrailin “Dəmir günbəz” sisteminin “Oreşnik” raketlərini dayandıra və ya vura biləcəyinə inanırdılar və ABŞ-ın təhlükəsizliyini təmin etmək üçün Prezident Trampa oxşar sistem quraşdırmağı təklif etdilər.

Unutmamalıyıq ki, D. Tramp praqmatik siyasətçidir və həmişə “öz gözü ilə görmədiyi ilə razılaşmır. Onun bu prinsipial mövqeyi İsrailin “Dəmir günbəzi”ni yoxlamaq idi. Odur ki, ABŞ İsrail-İran müharibəsinə getdi...

İsrailin müharibə elan etmədən İrana birbaşa və qəfil hücumunun səbəbi ABŞ-ın razılığı əsasında olmuşdu. İsrail tərəfin anlamasa da, ABŞ analitikləri, yaxşı bilirdilər ki, bu müharibə “Dəmir günbəz” yoxlamaq üçün idi...

Prezident Tramp və komandası bilirdi ki, İran qaçılmaz vəziyyətdə qalıb İsrail təxribatına cavab verəcək və təcavüzkara öz raketlərini atacaq. Belə olduğu halda ABŞ lideri əyani şəkildə “Dəmir günbəz”in nəyə qadir olacağını öz gözüylə görəcəkdi. Belə də oldu. İran hipersəs raketlərini İsrailə atdı və ölkənin “Dəmir günbəzi” “aşsüzən”ə çevrildi...

Tramp başa düşdü ki, İsrail və onun bu raketləri dayandırmaq üçün hava hücumundan müdafiə sistemləri heçdir. İnanılası deyildi ki, İranın “Xeybər” raketləri Rusiyanın "Oreşnik" raketləri qədər güclü idi. Bununla belə, bu raketlər “Oreşnik” də qabaqlayırdılar. Əgər “Oreşnik” raketi saniyədə 3 kilometr sürətlə uçurdusa, İranın “Xeybər” raketləri isə saniyədə 6 kilometr sürətinə malik idilər. Təbii ki, İran raketinin hədəfi məhv etmək gücü Rusiyanın bu tipli raketlərindən iki dəfə çoxdur. Pentaqon anladı ki, İran atom bombası ilə deyil, hipersəs raketlər texnologiyası ilə ABŞ və İsraildən qabağa gedib. Və əgər müharibə davam etsə, sözün həqiqi mənasında, uduzacaqlar.

Maraqlı bir fakt:

İran Qətərdəki ABŞ bazasını iki gündən sonra vuracağını bəyan etdi, əvvəlcədən, vuracağı hərbi obyekti göstərdi ki rəqib tərəf bilsin, onu nə gözləyir. Bu misli görünməmiş bir hadisə idi. Orta əsrlər də “Üstünə gələcəyəm!” deyən cəngavəri xatırladırdı. İran dediyi vaxt Qətərə raket atdı və ABŞ-ın hərbi bazasını məhv etdi. Amerikanlar bu haqda danışmağı sevmirlər. “You Tube” kanalında Qətər hərbi bazasının vurulması haqda çox kasad məlumatlar var. Aydındır ki, ABŞ hakerləri bu informasiyaları dağıdırlar...

Ağ Ev müharibəni dayandırmasa, İsrailin xarabalığa çevriləcəyinin qarşısını aldı. Odur ki, Prezident Tramp müharibəni dayandırdı. Ancaq bu o demək deyildi ki, o, İrandan əl çəkdi...

Bəs İran qələbəyə doğru gedirdisə, nə üçün müharibəni davam etmədi?

Təbii sualdır. İran müharibəni davam etdirsə idi, iqtisadi cəhətdən daha da geriyə düşərdi. Qərbin sanksiyaları İranı iqtisadi cəhətdən geriyə salmaqda idi. İran İsrailin vurduğu zərərləri aradan qaldırıb, Rusiyanın təklif etdiyi “Şimal-Cənub” layihəsinə və ona Qazaxıstanın da qoşulması və Çinin təklif elədiyi “Orta xətt ” tranzit yollarının açılmasına çalışırdı. Bu, İranı iqtisadi kollapsdan qurtarırdı...

Dünya bu tranzitə də Türkiyə və Azərbaycanın da qoşulacağını gözlənilirdi. Regionda sülhün və əməkdaşlığı təmin etmək üçün çox gözəl şərait yaranırdı. Odur ki, iqtisadi cəhətdən İran güclənə bilərdi. Əlbəttə ki, ABŞ bununla razılaşa bilməzdi... İrana qarşı yenidən müharibə etmək “Üçüncü dünya müharibəsinə “gətirə bilərdi...

Yadıma Zbiqnev Bzejinskinin “Böyük şahmat lövhəsi” kitabı düşdü. İranla bağlı böyük Amerika geo-siyasətçinin dediklərindən belə çıxırdı ki, ABŞ İranı 60-ci illər səviyyəsinə qaytarmasa, proseslər 3-cü dünya müharibəsi ilə nəticələnə bilər...

Qeyd etməliyik ki, ABŞ administrasiyasının siyasi xəttini müəyyən edən də Zbiqnev Bzejinski olub və bu günə qədər onun dediklərinə yenə də əməl edirlər. Və belə alınır ki, İrana qarşı ABŞ ancaq təzyiq siyasəti həyata keçirə bilər və beləliklə, anti-ABŞ siyasətçiləri hakimiyyətdən uzaqlaşdırmaq mümkündür. Odur ki, ABŞ İranın iqtisadi təzyiq və sanksiyalar vasitəsilə daxildən parçalamaq siyasətini həyata keçirməyə başladı...

İndi İranda baş verən hadisələrin arxasında iqtisadi təzyiqlər durur. İran rialının qiymətdən düşməsi, devalvasiyanın nəticəsi idi. Və baş verənlər də pis vəziyyətə düşmüş xalqın etirazı sədasıdır...

Xalqın iqtisadi etirazını, dövlət çevrilişi ilə əvəz etmək metodundan Qərbin xüsusi orqanları, başqa ölkələrdəki kimi İranda da istifadə etdi. Başqa sözlə desək, Amerika kəşfiyyat orqanları İran rejimini devirmək üçün məşhur geo-siyasi ssenarist Cin Şarpın metodlarını İranda da tətbiq edirlər.

Yadınıza 2014-cü il Ukraynasını salın... Yanukoviç Cin Şarpın ssenarisi əsasında vəzifədən uzaqlaşdırıldı.

İran rialının faktiki devalvasiyasından sonra ABŞ və İsrail kəşfiyyat orqanları xalqı İran siyasi hakimiyyətinə qarşı qaldırmaq istədilər. Nəticə fəlakətli və acınacaqlı oldu. İranda da hər şey C.Şarp ssenarisi əsasında gedirdi. Ancaq ABŞ kəşfiyyatı səhvə yol verdi. Xalqın nifrətini qazanmış, murdar Pəhləvi tayfasının yenidən İranda monarxiya quracağını bəyan etdi. Özləri də bilmədən, İran hakimiyyətini iflasdan xilas etdilər...

Xalq Prezident Məsud Pezeşkianın ətrafında birləşdi və ağır olsa da, etirazlıları yatızdırdılar. İndi İran hakimiyyəti iqtisadi bəladan qurtarmaq üçün yuxarıda göstərdiyimiz tranzitlərin işləməsinə can atcaq və Rusiya, Çin, Orta Asiya, Azərbaycan və Türkiyə ilə ciddi danışıqlara gedəcək və bu yolların açılmasına səy göstərəcəkdir...

Bəs “İrandakı etirazçıları müdafiə etmək üçün rejimə qarşı hücum keçəcəyik! deyən Tramp doğrudan da

hücum edəcək ya yox?..

Dünyanın siyasi xəritəsinə baxsaq, İranın Amerika bazaları ilə əhatə olunduğunu görərsiniz. İrana qarşı müharibə yalnız bu bazalardan başlana bilər. Odur ki, analitiklər "Başlayacaqmı?"sualını verirlər. Cavabımız sizi təəccübləndirəcək: İran raketləri Rusiya raketlərindən üstün olduğu kimi, Amerika raketlərindən də üstündür. Bu yaxınlarda “CNN” aşağıdakı başlıqla maraqlı xəbəri yaydı: "İran İsraili girov götürür”.

Bir sözlə, Vaşinqton düyməni basarsa, Yaxın Şərq sözün əsil mənasında partlayacaq. “Dəmir günbəz” bu dəfəki İran hücumuna ümumiyyətlə tab gətirə bilməyəcək...

“CNN”-in xəbərdarlığı təsadüfi deyildir. ABŞ-ın isə “Xeybər”in qarşısını alan sistemi yoxdur.

İndi ABŞ-ın yalnız bir seçimi var: İranla danışıqlar aparmaq, ona əməkdaşlıq təklif etmək və onu öz strateji müttəfiqinə çevirmək. Bu da bir faktdır ki, bu saat ABŞ və İran arasında gizli danışıqlar gedir..."