"Sağlamlıq üçün əvəzsiz məhsul: Kətan toxumu və düzgün istifadəsi" - Dietoloqlardan açıqlama

Bizi sosial şəbəkələrdən izləyin:

"Kətan toxumunun sağlamlığa və gözəlliyə təsirləri..."

Kətan toxumu gündəlik qida rasionunda ən faydalı məhsullardan biri hesab olunur.

Moderator.az xəbər verir ki, bu barədə "gosapteka.ru" nəşri yazıb.

Qeyd edilir ki, kətan toxumu omeqa-3, mineral maddələr və liflə zəngindir, həmçinin veqan qidalanmaya uyğundur və adi yeməklərə rahat əlavə edilə bilir.

Saçlar üçün faydaları

Kətan toxumu saç sağlamlığı üçün təbii dəstək sayılır. Əsas üstünlüyü yüksək miqdarda omeqa-3 yağ turşularının olmasıdır. Bu turşular baş dərisində iltihabı azaldır, saç follikullarının qidalanmasını yaxşılaşdırır, saçların quru və qırılqan olmasının qarşısını alır.

Toxumda həmçinin sink, dəmir, maqnezium və selen kimi minerallar mövcuddur ki, bunlar saçın böyüməsi, oksigen təchizatı və hüceyrələrin qorunması üçün vacibdir. B qrup vitaminləri keratin sintezində iştirak edir, saçın möhkəmliyini və parıltısını artırır. Lignanlar isə saç follikullarını zədələrdən qoruyur və yaşla bağlı incəlməni ləngidir.

Mütəmadi olaraq üyüdülmüş kətan toxumu qəbul edənlər bir neçə həftə ərzində saçlarda parıltı və nəmliyin artdığını hiss edə bilərlər. Lakin toxumlar hormonal pozğunluq və ya anemiya səbəbindən saç tökülməsini müalicə etmir, sadəcə sağlam böyümə üçün əlverişli şərait yaradır.

Ümumi sağlamlıq üçün təsiri

Kətan toxumu ürək-damar sistemi üçün faydalıdır - xolesterolu azaldır, damar elastikliyini dəstəkləyir. Həmçinin həzm sistemini yaxşılaşdırır, qan şəkərinin səviyyəsini tənzimləməyə kömək edir və iltihab əleyhinə təsir göstərir. Lignanlar hormonal balansı yumşaq şəkildə tənzimləyə, PMS və menopauza dövründə qadınlara dəstək ola bilər.

İmmunitet və dəri üçün faydaları

Kətan toxumundakı antioksidantlar, vitamin və minerallar hüceyrələri qoruyur, immun sistemi gücləndirir. Omeqa-3 və antioksidantlar sayəsində dəri elastikliyi artır, quru və həssaslıq azalır.

İstifadə qaydaları

Əsas qayda: kətan toxumunu üyütmək lazımdır. Bütün halda istifadə edilərsə, qida sistemindən demək olar ki, sovrulmur. Üyüdülmüş toxum yoqurt, sıyıq, şorba və salata əlavə edilə bilər. Su ilə qarışdırıldığında isə jel kimi olur və vegan reseptlərdə yumurta əvəzi kimi istifadə oluna bilər. Gündəlik tövsiyə olunan miqdar - bir xörək qaşığı.

Saxlama və müqayisə

Üyüdüldükdən sonra toxum bir-iki gün soyuducuda saxlanmalıdır, uzun müddət otaq temperaturunda saxlamaq bəzi maddələrin təsirini azaldır. Omeqa-3 yağ turşuları kətan toxumunda çia toxumundan daha yaxşı sovrulur, bu da onu daha üstün edir.

Ümumilikdə, kətan toxumu sadə, əlçatan və gündəlik menyuya rahat daxil edilə bilən çoxfunksiyalı məhsuldur. Əsas şərt - onu üyüdülmüş formada istifadə etmək və uzun müddət saxlamaqdan çəkinməkdir.