İsrail bu dəfə də dövlətlərin qlobal nüfuz reytinqində anti-lider oldu...

Bizi sosial şəbəkələrdən izləyin:

Beynəlxalq "Ipsos" sorğusunun məlumatlarına əsaslanan BrandIL hesabatına görə, İsrail, keçən il olduğu kimi, bu il də qlobal nüfuz reytinqi olan "Nation Brands Index" (Milli Brendlər İndeksi)ndə sonuncu yeri tutub.

Moderator.az "İslamnews" nəşrinə istinadla xəbər verir ki, 2025-ci ilin sonuna qədər İsrailin ümumi nüfuz balı 6,1% azalaraq, tədqiqatın 20 illik tarixində ən böyük illik azalma olub.

2025-ci ilin avqust-sentyabr aylarında aparılan sorğuda dünya əhalisinin təxminən 70%-ni təmsil edən 20 ölkədən təqribən 40.000 respondent sorğu keçirib. Millət Brendləri İndeksi ölkələrə dair qlobal qavrayışları aşağıdakı sahələrdə qiymətləndirir: insanlar, turizm, mədəniyyət, immiqrasiya, ixrac və idarəetmə.

İsrail bir neçə əsas sahədə sonuncu yerdədir. Ən kəskin azalma ölkə əhalisinə münasibəti əks etdirən kateqoriyada - vətəndaşlara etibar, rəğbət və xoşməramlı münasibətdə qeydə alınıb. Hesabat müəlliflərinin qeyd etdiyi kimi, mənfi münasibətlər çox vaxt təkcə İsrail hökumətinin siyasətinə deyil, həm də bütövlükdə ölkə əhalisinə şamil olunur.

İsrailə qarşı ən mənfi münasibəti Qərb ölkələrinin "Z" nəsli üzvləri bəsləyir və "yəhudi dövləti"ni müstəmləkə dövləti və qeyri-legitim hesab edirlər.

İsrail ixrac və mal kateqoriyalarında da sonuncu yerdədir. Tədqiqatçılar bunu iş adamlarının İsrail məhsulları və xidmətləri ilə əlaqələndirilmək istəməmələri ilə əlaqələndirirlər.

Mütəxəssislərin qeyd etdiyi kimi, uzunmüddətli nüfuza dəyən ziyan sonradan investisiyaların azalmasına, turizmin zəifləməsinə və iqtisadi üstünlüklərin itirilməsinə səbəb ola bilər.

Xatırladılır ki, əvvəlki bir araşdırma "Z" nəsli amerikalılarının 60%-nin "Fələstin müqavimət hərəkatı"- "HƏMAS"-ı İsraildən daha çox üstün tutduğunu aşkar edib.