"2033-cü ilə qədər Yer üzündə bir yəhudi də qalmayacaq..."-YƏHUDİ NƏŞRİ

Bizi sosial şəbəkələrdən izləyin:

Yaxın Şərq Tədqiqat İnstitutu ("MEMRI") Müsəlman Qardaşlarının Əlcəzair şöbəsinin keçmiş rəhbəri Buqerra Soltaninin "Son görünürmü?" kitabının tərcüməsini dərc edib. Məqalə Qətər Əmirliyi hökuməti tərəfindən yaradılan və maliyyələşdirilən Beynəlxalq İslam Alimləri Birliyinin saytında dərc olunub. Veb-sayt ekstremist islamçı və Qərb əleyhinə ideologiyanı yayır.

Moderator.az bu haqda Kiyevdə nəşr olunan yəhudi nəşri "Mignews"-a istinadla xəbər verir.

Məqalədə deyilir:

"Bəşəriyyət artıq yəhudilərin yaratdığı təhlükəni dərk etdiyindən, onlar üçün geri sayım artıq başlayıb və 2033-cü ilə qədər onlar tarixə çevriləcəklər, çünki bu dəfə dünya onlara mərhəmət göstərməyəcək və onları son anda məhv edəcək."

Soltaninin məqaləsində antisemitizm çalarları da var:

"Allah məkrli yəhudilərin məhv olmağa məhkum olduğunu vəd edib və onları cəhənnəmin gözlədiyini xəbərdar edib."

"MEMRI"-yə görə, bu məqalə Qətər rejimi tərəfindən dəstəklənən antisemitizm təxribatının bariz nümunəsidir.

Soltani məqaləsində bildirib:

"Mən Allahın İsrail oğullarının taleyi və ya Məhəmməd peyğəmbərin axirətdə onların başına gələcəkləri ilə bağlı vədlərini təkrarlamayacağam. Həmçinin qədim tarixdən dəlillər gətirməyəcəyəm və ya Yəsribdə (Mədinə) xəyanətlərindən bəhs etməyəcəyəm."

Soltani Qəzzadakı müharibə ilə bağlı belə şərh verib:

"Təəssüf ki, işğal liderləri dərs çıxarmayıblar və özlərinin dediklərinə görə, onları az qala sonuncu nəfərinə qədər məhv edən, altı milyon yəhudini öldürən Holokostu unutublar."

Soltani yəhudilərin bəşəriyyətə və dünya sülhünə təhlükə yaratdığını və yəhudilərin məhv edilməsi üçün gerisayımın artıq başladığını iddia edib:

“Sabah yox, bu gün gündəliklərinizə yazın ki, bu əsrin ilk üçdə birinin sonuna qədər, 2025-2033-cü illər arasında siz tarixdən başqa bir şey olmayacaqsınız, gələcək nəsillər tərəfindən danışılacaq bir hekayə olacaqsınız. Nəzərə alın ki, bu dəfə dünya sizə rəhm etməyəcək və qəzəbi həddinə çatanda sizlərdən heç biri bu dünyada qalmayacaq. Trampın və ya ondan sonra gələn hər kəsin veto gücü sizə kömək etməyəcək...”