Rusiyada vətəndaşlar etiraza qalxdı...-FOTOLAR

Bizi sosial şəbəkələrdən izləyin:

Bazar günü- 14 dekabrda Rusiyanın Tomsk şəhərində onlarla insan ölkə rəhbərliyinin Amerika uşaq oyun platforması "Roblox"-u qadağan etmək qərarına qarşı etiraz aksiyası keçirib. Bu, sözügedən avtoritar dövlətdə ictimai narazılığın nadir təzahürüdür.

Moderator.az "TSN"-ə istinadla xəbər verir ki, bu haqda "Reuters" məlumat yayıb.

Rusiyanın rabitə-kommunikasiya tənzimləyicisi "Roskomnadzor" 3 dekabrda "Roblox"-u "uşaqların mənəvi və əxlaqi inkişafına mənfi təsir göstərə biləcək uyğunsuz məzmunla dolu" olduğu üçün blokladığını açıqlayıb.

Moskvadan 2900 kilometr şərqdə yerləşən Sibirin Tomsk şəhərində bir neçə onlarla insan əl ilə yazılmış "Roblox-a toxunmayın", "Roblox rəqəmsal dəmir pərdənin qurbanıdır" şüarı ilə küçələrə çıxıb və ən təsirli şüar "Qadağalar və təcridetmələr edə biləcəyiniz tək şeydir" olub.

Şəkillərdə təxminən 25 nəfərin qar üzərində dairə şəklində dayandığı və əllərində lövhələr tutduğu görünür.

Yerli media polisin etirazın iki iştirakçısını saxladığını, onlardan birinin "ekstremist simvollar" nümayiş etdirməkdə şübhəli bilinərək polis bölməsinə aparıldığını bildirib.

Rusiyada "Roblox" qadağası senzura, texnologiyadan istifadə zamanı uşaqların təhlükəsizliyi və hətta uşaqların bir neçə kliklə bir çox məhdudiyyətləri keçə biləcəyi rəqəmsal dünyada senzuranın effektivliyi ilə bağlı müzakirələrə səbəb olub.

Bir çox rusiyalılar sadəcə "VPN"-lərdən (virtual özəl şəbəkələr) istifadə edərək qadağaları keçiblər, baxmayaraq ki, bəzi gənc rusiyalılar qadağanın bu qədər asanlıqla keçilə biləcəyinin məntiqini şübhə altına alırlar, digərləri isə Rusiyada dövlət tərəfindən qadağan edilmiş tətbiqlərə niyə bu qədər az alternativin olduğunu düşünürlər.

Bəzi rusiyalı valideynlər və müəllimlər "Roblox"-un uşaqların cinsi əlaqələrlə bağlı məzmunlara daxil olmasına və böyüklərlə ünsiyyət qurmasına icazə verməsindən narahatlıqlarını bildiriblər.

Fəlaiyyəti Kaliforniyanın San-Mateo şəhərindən idarə olunan "Roblox", İraq və Türkiyə də daxil olmaqla bir sıra ölkələrdə qadağan edilib.

Rusiya rəsmiləri bəyan edirlər ki, senzura Qərb hökumətləri tərəfindən aparıldığı iddia edilən "informasiya müharibəsi"ndən və onların "ənənəvi Rusiya dəyərlərini" sarsıdan "dekadent Qərb mədəniyyəti" kimi gördüklərindən qorunmaq üçün lazımdır.

Moskva son illər həmçinin "Snapchat", "Facebook", "Instagram", "WhatsApp" və "YouTube" kimi sosial media platformalarını bloklayır və ya məhdudlaşdırır.