"Rusiyada stüardessa hərbçilərə qarşı "feyklər"ə görə 7 il həbs cəzası alıb" - Rusiya KİV-ləri

Rusiyanın "Ural Hava Yolları" şirkətinin stüardessası Varvara Volkova Moskvaətrafının Vidnoye məhkəməsi tərəfindən yeddi il müddətinə ümumi rejimli koloniyada həbs olunub. 

Moderator.az xəbər verir ki, bu barədə "gazeta.ru" nəşri məlumat yayıb.

Məlumatda deyilir ki, ona qarşı "Rusiya Silahlı Qüvvələri barədə bilərəkdən yalan məlumat yaymaq" (Rusiya Cinayət Məcəlləsi, 207. 3-cü maddə) üzrə ittiham irəli sürülüb.

İttiham materiallarına görə, 2025-ci ilin yanvarında Volkova internetdə xüsusi əməliyyatda iştirak edən rus tankçısının videosunu görüb və ona qarşı mənfi hisslər formalaşıb. Daha sonra televiziyada həmin hərbi qulluqçunu görən stüardessa onun telefon nömrəsini tapıb, zəng edərək hədələr edib.

Bundan əlavə, Moskvaətrafınfakı Sapronovo kəndində Volkova "xüsusi hərbi əməliyyat" barədə bir neçə mesaj yayıb, o cümlədən onlar Moskvaətrafı ərazini ələ keçirəcəyi təqdirdə Ukrayna hərbçilərini "çaya dəvət etməyə" hazır olduğunu bildirib.

Məhkəmə prosesində sübut olunub ki, Volkovanın yayımladığı məlumatlar həqiqətə uyğun olmayıb və hərbi qulluqçulara qarşı hörmətsizlik elementləri daşıyıb. Buna görə də o, həm "feyklər", həm də hərbiçilərə qarşı təhqir səbəbindən cəza alıb.

Qeyd olunur ki, Volkova əvvəllər də Rusiya Silahlı Qüvvələri barədə yalan məlumat yaymaq ittihamı ilə mühakimə olunub və hətta metroda uşağa qarşı hadisəyə görə cərimələnib. Bu iş də Rusiyada sosial şəbəkələrdə yayılan "feyklərə" qarşı sərt siyasətin bir nümunəsi kimi qiymətləndirilir.