Ruslar panika içində hərbi anbarlarının yerini dəyişirlər...- “ATƏŞ” partizan hərəkatı

Bizi sosial şəbəkələrdən izləyin:

Rusiya Federasiyasının Oryol vilayətində Kişi Dumçino kəndi yaxınlığında ruslar Ukrayna Müdafiə Qüvvələrinin dəqiq raket zərbələrindən ehtiyat edərək 1962-ci ildə qurulmuş hərbi anbar bazasından sursat və hərbi texnikanı vahimə ilə çıxarırlar.

Moderator.az Zn.ua saytına istinadla xəbər verir ki, bu barədə Ukrayna və Krım tatarlarının partizan hərəkatı “ATƏŞ” özünün telegram-kanalında məlumat yayıb .

Partizanlar bildirirlər ki, sözügedən bazanın ərazisində mühəndis sursatları, mina və partlayıcı maddələri naməlum istiqamətdə daşıyan “KamAZ” markalı yük avtomobillərinin gecə-gündüz gediş-gəlişi qeydə alınıb.

“ATƏŞ” hesab edir ki, bu tələsik evakuasiya işğalçıların öz arxa obyektlərinin zəifliyini dərk etdiyini və Ukrayna Silahlı Qüvvələrindən yeni dəqiq zərbələr gözlədiyini sübut edir. Ukrayna raketlərinin qorxusu düşmənin təchizat sistemini iflic edi

Partizanlar hərbi anbarlarlar ətrafında hərəkətlənmə və onların yeni yerləri ilə bağlı bütün məlumatların operativ şəkildə Ukrayna Müdafiə Qüvvələrinə verildiyini və təcavüzkarların maddi-texniki təminatına nəzarəti davam etdirdiklərini bildirirlər.

Bundan əvvəl “ATƏŞ” məlumat vermişdi ki, ruslar cəbhədəki kritik itkilərə görə müvəqqəti işğal olunmuş Sevastopolda hərbi dəniz xəstəxanasının tikintisini sürətləndirməyə çalışırlar .