Ermənistanın revanşist dairələri İrəvana getmiş bu azərbaycanlı xanımı hədəfə aldı...-FOTO

Bizi sosial şəbəkələrdən izləyin:

“Ermənistana gələn azərbaycanlı ekspertlər qrupuna artsaxın blokadasında iştirak etmiş “ekoloji fəal” Dilarə Əfəndiyeva da var.”

Moderator.az xəbər verir ki, bunu azı son 7 ilin təhlillərinə görə Ermənistanın revanşist, rusiyapərəst dairələrinə, o cümlədən terrorçu eks-prezident, Xocalı canisi Robert Köçəryanın lideri olduğu "Hayastan" siyasi blokuna xidmət edən və onlr tərəfindən maliyyələşdirilən tert.am nəşri fip.am saytına istinadla yazır.

“Əfəndiyeva hələ 2022-ci ilin dekabrında azərbaycanlı qondarma “ekoloji fəallar” o vaxt Rusiya sülhməramlılarının nəzarətində olan Laçın dəhlizinin qarşısını kəsəndə “Fakt Yoxlama Platforması”nın diqqətinə düşüb. Əfəndiyeva dağlıq Qarabağı Ermənistanla birləşdirən dəhlizin blokadasında “ekoloji fəal” kimi şəxsən iştirak edib”, -davamında revanşist nəşr belə yazır.

Qeyd edək ki, söhbət Azərbaycan Qadın Hüquqlarını Müdafiə Cəmiyyətinin Qadınlar Sülh və Əmin-Amanlıq Mərkəzinin rəhbəri Dilarə Əfəndiyevadan gedir.

O, həqiqətən 2022-ci ilin dekabrından 2023-cü ilin aprelinədək azərbaycanlı eko-fəalların Laçın-Xankəndi yolunda o dövrdə Azərbaycanın işğal altında qalan ərazilərindəki əlvan metal yataqlarının qanunsuz istismarına qarşı keçirdikləri 138 günlük etiraz aksiyasında fəal iştirak edib.

Xatırladaq ki, oktyabrın 21-22-də İrəvanda Azərbaycan və Ermənistan vətəndaş cəmiyyətlərinin nümayəndələrinin iştirakı ilə ikitərəfli dəyirmi masa müzakirəsi təşkil olunub.

Azərbaycan nümayəndə heyətinin tərkibində 5 nəfər olub:

Cənubi Qafqaz Araşdırmalar Mərkəzinin rəhbəri Fərhad Məmmədov,

Topçubaşov Mərkəzinin həmtəsisçisi və direktoru Rusif Hüseynov,

Milli QHT Forumu İdarə Heyətinin sədri Ramil İskəndərli,

“1news.az” xəbər portalının baş redaktoru Kəmalə Məmmədova.

S.Laçın