Atəşkəsdən sonra Qəzzada daha bir jurnalist öldürüldü...-"ƏL-CƏZİRƏ"-FOTO

Bizi sosial şəbəkələrdən izləyin:

Fələstinli jurnalist Saleh Əlcəfərəvi İsrail və "HƏMAS"-ın Qəzza zolağında atəşkəs razılaşmasından bir neçə gün sonra Qəzza şəhərində toqquşmalar zamanı öldürülüb.

Moderator.az xəbər verir ki, Fələstin mənbələri "Əl-Cəzirə-Ərəb" kanalına bildiriblər ki, müharibəni əks etdirən videoları ilə məşhurlaşan 28 yaşlı gənc şəhərin Səbra məhəlləsində baş verən qarşıdurmaları işıqlandırarkən “silahlı milis” üzvləri tərəfindən vurularaq öldürülüb.

"Əl-Cəzirə"-nin "Sənad" agentliyi müxbirlər və fəallar tərəfindən yayımlanan, onun cəsədini yük maşınının arxasında görünən "mətbuat ”-"press" gödəkçəsində göstərən görüntüləri təsdiqlədi. O, bazar günü səhərdən itkin düşüb.

Fələstin mənbələri bazar günü Səbrada "HƏMAS" təhlükəsizlik qüvvələri ilə Doğmuş qəbiləsinə mənsub döyüşçülər arasında toqquşmaların baş verdiyini bildirib, lakin bu, yerli hakimiyyət orqanları tərəfindən təsdiqlənməyib.

Qəzzanın Daxili İşlər Nazirliyindəki yüksək səviyyəli mənbə "Əl-Cəzirə Ərəb"-ə bildirib ki, Qəzza şəhərindəki qarşıdurmalarda “İsrail işğalı ilə əlaqəli silahlı milis iştirak edib.

Təhlükəsizlik qüvvələrinin milisləri mühasirəyə aldığını bildirən mənbə əlavə edib ki, “milis üzvləri” Qəzzanın cənubundan Qəzzaya qayıdarkən köçkünləri öldürüblər.

Son atəşkəsə baxmayaraq, yerli hakimiyyət Qəzzada təhlükəsizlik vəziyyətinin çətin olaraq qaldığı barədə dəfələrlə xəbərdarlıq edib.

Xatırladaq ki, dünya tarixində jurnalistlər üçün ən ölümcül qarşıdurmada, 2023-cü ilin oktyabrında İsrail müharibəsi başlayandan bəri Qəzzada 270-dən çox media əməkdaşı öldürülüb.

S.Laçın