17:35
20°C
Bakı
"Girovların azad olunması yaxınlaşsa da, HƏMAS-ın silahdan imtinası və bölgənin gələcək idarəçiliyi açıq qalır..."
İsrail və HƏMAS bazar ertəsi Misirdə vasitəçiliklə danışıqlara başlayır.
Moderator.az xəbər verir ki, bu barədə "bbc.com" nəşri məlumat yayıb.
Danışıqların başlanğıcı
Məlumatda deyilir ki, gündəliyin əsas mövzusu - girovların azad edilməsi və atəşkəsin təmin olunmasıdır. Misir tərəfi hər iki nümayəndə heyətini qəbul edəcəyini açıqlayıb. ABŞ prezidenti Donald Tramp isə bazar ertəsinə keçən gecə tərəfləri "tez və qətiyyətlə hərəkət etməyə" çağırıb. O, həftəsonu HƏMAS və bir sıra ölkələrlə "çox müsbət" müzakirələrin aparıldığını, ilk mərhələnin bu həftə başa çatacağını ümid etdiyini bildirib.
Girov məsələsi
HƏMAS ötən günlərdə bəyan edib ki, hazırda əlində saxladığı bütün israilliləri - həm sağ olanları, həm də həlak olanların cəsədlərini qaytarmağa hazırdır. Məlumata görə, hazırda Qəzzada 48 israilli girov var, onların yalnız 20-nin sağ olduğu ehtimal edilir. Trampın planı bütün girovların 48 saat ərzində azad olunmasını, bunun müqabilində isə İsrailin yüzlərlə fələstinli məhbusu buraxmasını nəzərdə tutur. ABŞ xüsusi nümayəndəsi Stiv Uitkoff və Trampın kürəkəni Cared Kuşner də Misirə danışıqlara qatılmaq üçün gedib.
Tərəflərin mövqeləri
HƏMAS Trampın planının yalnız iki bəndinə - girovların azad edilməsinə və Qəzzanın müstəqil texnokratik orqana təhvil verilməsinə razılıq verdiyini bildirib. Ancaq əsas şərt - hərəkatın silahı təhvil verib gələcəkdə Qəzzanın idarəsində iştirak etməməsi barədə öhdəlik hələ qəbul edilməyib. HƏMAS rəsmisi Musa Əbu Marzuk "yalnız suveren Fələstin dövləti qurulduğu gün silahdan imtina edə biləcəklərini" vurğulayıb. İsrail isə müstəqil Fələstin dövlətinin yaradılmasına təhlükəsizlik səbəbilə qarşı çıxır.
İsraildə daxili təzyiq
Baş nazir Benyamin Netanyahu hərbi qüvvələrin Qəzzadan mərhələli çıxarılacağını, HƏMAS-ın silahsızlaşdırılmasının isə ikinci mərhələdə gerçəkləşəcəyini deyib. Bununla belə, koalisiyasındakı radikal sağçı nazirlər hər cür güzəştin əleyhinə çıxış edir və hökumətin dağılması ilə hədələyir. Müxalifət lideri Yair Lapid isə əksinə, Trampın təşəbbüsünü dəstəkləyəcəyini və danışıqların pozulmasına imkan verməyəcəyini bildirib.
Perspektivlər
ABŞ Dövlət katibi Marko Rubio qeyd edib ki, girovların azad olunması ilk və ən asan addımdır, amma Qəzzanın bərpası və bölgənin kim tərəfindən idarə ediləcəyi daha mürəkkəb məsələdir. Trampın yeni planı əvvəlki mövqelərindən fərqli olaraq, Qəzza əhalisinin kütləvi köçürülməsini nəzərdə tutmur. Bunun əvəzində, müvəqqəti keçid hökuməti qurulması və gələcəkdə Fələstin Muxtariyyətinin müəyyən islahatlarla bölgəni idarə etməsi nəzərdə tutulur.
Seçilmiş xəbərlər
RU
Moderator
Xəbər lenti
Top xəbərlər
Gün
Həftə
Ay
Yazarlar
Link kopyalandı!
Son xəbərlər
Son xəbərlər