"Amerika intihara doğru: Qərbin özünü məhv edən ideologiyası" - "The American Spectator"

Bizi sosial şəbəkələrdən izləyin:

"Proqressiv ideologiya və "anti-Tramp sindromu" Amerikanı öz sivilizasiya köklərindən qoparır..."

ABŞ-ın hazırkı siyasi xaosu təkcə ölkənin deyil, bütün Qərb dünyasının dağılmasına aparır.

Moderator.az xəbər verir ki, bu barədə "The American Spectator" nəşri yazıb.

Qərbin ideoloji parçalanması

Nəşr yazır ki, Trampa qarşı iki güclü qüvvə mövcuddur: bir tərəfdə Qərb sivilizasiyasını rədd edən "proqressivlər", digər tərəfdə isə "Trampdan nifrət sindromu"na (TDS) tutulanlar. Onlar tamamilə fərqli baxışlara malik olsalar da, nəticədə hər ikisi Qərbin özünü zəiflətməsinə xidmət edir.

Liberalizm və "Qərbin intiharı"

1964-cü ildə Ceyms Bernhem "Qərbin intiharı" əsərində liberalizmin Qərbin zəifləməsini izah etdiyini və onu təbii, hətta arzuolunan proses kimi təqdim etdiyini yazıb. Proqressivlər bu mövqedən hələ də əl çəkməyib və "dərin dövlət" üzərində güclü nəzarətə sahibdir. Tramp isə ilk prezidentdir ki, həmin bürokratik sistemi açıq şəkildə hədəfə alıb.

TDS düşərgəsi və elita müqaviməti

"Trampdan nifrət sindromu" təkcə demokratları deyil, respublikaçı elitanı, yüksək rütbəli hərbçiləri, media və məhkəmə sistemindəki təsirli şəxsləri də birləşdirib. Onların məqsədi Trampın siyasi kursunu hər vəchlə dayandırmaqdır. 2016-cı ildən bəri ona qarşı Rusiyanın müdaxiləsi iddiaları, impiçment cəhdləri, seçki məğlubiyyətinin mübahisələndirilməsi və hətta Hitlerlə müqayisələrdən istifadə edilib.

Trampın siyasəti və Qərbin gələcəyi

Tramp sərt addımlarla sərhədlərin qorunmasına, kriminala qarşı mübarizəyə, qeyri-qanuni miqrantların deportasiyasına və israfçı dövlət qurumlarının bağlanmasına yönəlmiş siyasət aparır. Bu, proqressivlər tərəfindən "təhlükəli avtoritarizm" kimi təqdim olunur. Lakin müəlliflər vurğulayır ki, Qərb yalnız öz sivilizasiyasının üstünlüyünə inanmaq və güc tətbiq etməyə hazır olmaqla sağ qala bilər.

Məqaləyə görə, Amerika özünün siyasi və ideoloji parçalanması ilə Qərbi zəiflətməkdədir. Proqressivlər və TDS düşərgəsi istər-istəməz bir məqsəddə birləşir: Trampı məğlub etmək. Lakin əgər bu baş verərsə, nəticədə yalnız Tramp deyil, bütün Amerika da öz gələcəyini riskə atacaq.