Hansı qadınlar alimentə görə boşanır? - EKSPERT AÇIQLADI

Bizi sosial şəbəkələrdən izləyin:

Ötən gün Azərbaycan Respublikasının İnsan hüquqları üzrə Müvəkkilinin (Ombudsmanın) 2024-cü il üzrə məruzəsinin müzakirəsi zamanı deputat Razi Nurullayevin açıqlaması sosial şəbəkələrdə birmənalı qarşılanmadı. Deputat bildirdi ki, bəzən boşanmalara səbəb qadınların daha çox sərbəst qalmaq istəməsidir.

Daha sonra əlavə edib ki, ona müraciət edənlərin 10-dan 8-i boşanmaq istəyən qadınlardır: "Onlar deyir ki, mən boşanaraq aliment almalıyam. Aliment qadınların boşanmasını stimullaşdırır. Düşünürəm ki, Aliment Fondu yaradılmalıdır və bundan sui-istifadə edənlər isə qanunvericiliklə cəzalandırılmalıdırlar".

Bu açıqlama medianın və sosial şəbəkə istifadəçilərinin əsas müzakirə obyektinə çevrildi. Bəs görəsən reallıq necədir?

Mövzu ilə bağlı Vəkillər Kollegiyası (VK) Rəyasət Heyətinin üzvü İlhamə Həsənova Moderator.az-a danışdı. Bilirdi ki, boşanma ilə bağlı iddialar ən çox qadınlar tərəfindən qaldırılır:

"Təcrübəmdə daha çox şahidi oluram ki, boşanma ilə bağlı iddialar ən çox qadınlar tərəfindən qaldırılır. Bunun bir neçə səbəbi var. Birincisi ondan ibarətdir ki, kişilər mental dəyərlərə bağlı olaraq ailələrini daha çox qorumağa meyillidirlər. Özlərinə sığışdırmırlar ki, ailələlərini dağıtsınlar. Birinci təşəbbüsün qadın tərəfindən gəlməsi kimi bir mövqedə dururlar. Bu qadınların daha çox müraciət etməməsi kimi səbəbləndirilə bilər. Qadınların daha çox müraciət etməsinin səbəbi aliment almaq istəməsi deyil. Mən bunu öz təcrübəmdə görmürəm və bəzən də qadınların heç aliment tələb etmədiyinin şahidi oluram. Qadınlar alimenti yalnız uşaqlar üçün istəyirlər. Çünki qadının maddi vəziyyəti uşaqları saxlamağa imkan vermir və aliment almaq uşaqların hüququdur. Aliment ataya- anaya verilmir, uşağa verilir. Ona görə də boşanmanın 70 faizinin səbəbkarının qadınlar olması, bunun da səbəblərindən ən önəmlisi aliment alması fikri ilə razılaşmıram.

Boşanmaların səbəbkarı kişilərdir ki, qadınlar boşanmağa daha çox müraciət edirər. Çünki ailələrdə adətən vəziyyəti boşanmağa qədər gətirib çıxardan yollar, səbəblər ən çox kişilər tərəfindən olur. Məhz bu səbəbdən səsləndirilən fikirlərlə razı deyiləm. Qadınların alimentə görə boşanmaq istəmə səbəbi çox absurd görünür. Açığı onu deyim ki, bəzən kişilər alimenti ödəmirlər, hansı ki, alimentin məbləği də o qədər yüksək deyil. Alimentlə bağlı İcra hakimiyyətlərində icraların səndələrinin 60-70 faizi icra oluna bilmir.

Kişilər bəzən də aliminet ödmirlər, imkanlarının olmadıqlarını bəhanə gətirib yayınmağa çalışırlar. Ya çıxıb ökədən gedirlər, ya da müxtəlif vasitələrlə aliment ödəməkdən yayınırlar".