"Ukrayna öz torpaqlarının bir hissəsini geri qaytara biləcək" - Tramp

Bizi sosial şəbəkələrdən izləyin:

"Vaşinqton Üçüncü Dünya savaşının qarşısını almaq niyyətindədir..."

ABŞ prezidenti Donald Tramp bildirib ki, "Ukraynaya elə bir şəkildə kömək edir ki, bunu heç kim heç vaxt etməyib".

Moderator.az xəbər verir ki, bu barədə ABŞ prezidenti Donald Tramp

Fransa prezidenti Emmanuel Makronla görüşü zamanı bəyan edin. Məlumatı "Sky News" nəşri yayıb.

Nəşrin yazdığına görə, Rusiya tərəfindən üç ildir davam edən genişmiqyaslı müharibənin nə vaxt bitəcəyi ilə bağlı danışan Tramp yaxın həftələrdə bu məsələnin həll olunacağına ümid etdiyini bildirib. O, əlavə edib ki, Ukrayna müharibəsi Üçüncü Dünya müharibəsinə çevrilə bilər və Vaşinqton belə bir ssenarinin qarşısını almaq niyyətindədir.

Bununla yanaşı, sülh sazişində Ukraynanın bəzi torpaqlarından imtina etməsi ehtimalını şərh edərkən, Tramp "baxarıq" deyib. Bununla belə, o, Ukraynanın "öz torpaqlarının bir hissəsini geri qaytara biləcəyinə" ümid etdiyini vurğulayıb. Tramp həmçinin Avropa qoşunlarının sülhməramlı qüvvələr kimi Ukraynaya göndərilməsində "heç bir problem görmədiyini" bildirib.

Faydalı qazıntılar üzrə saziş

Vaşinqtonun imzalanmasını israrla tələb etdiyi Ukraynanın faydalı qazıntılarla bağlı sazişinə toxunan Tramp bildirib ki, bu sənədin imzalanması üçün təkcə prezident Zelenskinin imzası kifayət etməyəcək:

"Düşünürəm ki, bundan sonra onlar parlamentdən və ya bunu təsdiqləyə biləcək hər hansı bir qurumdan razılıq almalı olacaq. Amma əminəm ki, bu baş verəcək".

Onun sözlərinə görə, Vaşinqton sazişi imzalamağa çox yaxındır və bu, gələn həftə Ağ Evin Oval kabinetində prezident Zelenskinin iştirakı ilə baş tuta bilər.

"Mən prezident Zelenski ilə görüşəcəyəm. Hazırda saziş üzərində iş gedir. Onlar yekun razılaşmaya çox yaxındır. Bu, nadir elementlər və digər resurslarla bağlı bir saziş olacaq. Bildiyim qədər, Zelenski buraya gələrək onu imzalamaq istəyir və mən buna şad olaram", - Tramp qeyd edib.

O, həmçinin Rusiya prezidenti Vladimir Putinlə "hansısa məqamda" görüşməyi planlaşdırdığını təsdiqləyib. Bundan əlavə ABŞ prezidenti yenidən bəyan edib ki, ölkəsi Ukraynanın dəstəklənməsinə 350 milyard dollar sərf edib. Lakin həm Pentaqon, həm də media bu məbləğin daha az olduğunu bildirir.

"Biz bu məqama necə gəldik, bilmirəm, amma bu, nəhəng məbləğdir. Çox böyük pullar xərclənib, amma heç bir nəticə əldə olunmayıb. Bunun günahı Bayden administrasiyasındadır. Avropalılar təxminən 100 milyard dollar ayırıb və bunu kredit şəklində edib. Onlar başa düşdülər ki, vəziyyət ədalətsizdir və biz birlikdə həll yolunu tapdıq", - Tramp vurğulayıb.

Trampın Ukrayna ilə bağlı digər bəyanatları

ABŞ prezidenti Donald Tramp dəfələrlə bəyan edib ki, əgər o, hakimiyyətdə olsaydı, Rusiyanın genişmiqyaslı müharibəsi heç vaxt başlamazdı.

Daha öncə müharibəni 24 saat ərzində bitirəcəyini vəd edən Tramp indi isə münaqişəyə görə Ukraynanı günahlandırır və prezident Zelenskini "seçkisiz diktator" adlandırır.

Fevralın 24-də amerikalı lider bildirib ki, o, Kreml rəhbəri Vladimir Putinlə yalnız atəşkəslə bağlı deyil, həm də ABŞ və Rusiya arasında bağlanması planlaşdırılan böyük iqtisadi müqavilələr barədə "ciddi danışıqlar" aparır.