Amerikanı Tramp və Maskın siyasətinə qarşı etiraz aksiyaları bürüdü...-VİDEO

Bizi sosial şəbəkələrdən izləyin:

ABŞ-ı 47-ci prezident Donald Trampa və onun siyasətinə qarşı etirazlar bürüyüb.

Moderator.az Ukrayna mediasına istinadla xəbər verir ki, Bu barədə CBS yazıb və hadisə yerindən fotolar dərc edib.

Etirazlar ölkəni bürüyüb. İştirakçılar iki həftə ərzində “O mənim prezidentim deyil”, “Krallara yox”, “Bu, çevrilişdir”, “Qorxaqlar Trampa baş əyir, vətənpərvərlər, ayağa qalxın!”, “Mask getməlidir” və s. şüarlarla Amerika şəhərlərinin küçələrinə çıxırlar.

Vətəndaşlar immiqrantlara təzyiqlərə və xərclərin azaldılmasına etiraz edirlər. Ən böyük mitinqlər Florida və Kaliforniyada baş tutub. Hətta havanın o qədər də isti olmadığı digər ştatlarda da etirazçılar küçələrə axışır.

Media mitinqlərdə, o cümlədən “Krallara Yox” aksiyasında yüzlərlə etirazçının iştirak etməsi haqda məlumat yayıb.

Mitinqlərdə insanlar Trampın və onun müşaviri, milyarder və administrasiyanın sözlərinə görə, federal xərcləri azaltmaq üçün vəzifəyə təyin edilmiş Hökumətin Səmərəliliyi Departamentinin ("DOGE") rəhbəri İlon Maskın siyasətini pisləyirlər.

Bostonda 1000-ə yaxın insan “İlon Mask getməlidir” və digər şüarlar səsləndirərək qar yağışı altında meriyaya doğru yürüş edib. Etirazçıların plakatlarından birində Sem dayının “Müqavimət göstərməyinizi istəyirəm" yazısı ilə şəkli əks olunub.

Jurnalistlər iki yeniyetmə oğlu ilə mitinqə gələn Boston mühəndisi, 55 yaşlı Emili Manninqdən sitat gətirirlər: "Amerika dəyərləri plutokratiyanın və ya bir qrup cılız düşüncəli milyarderlərin dəyərləri deyil".

Xatırladılır ki, ABŞ-də fevralın hər üçüncü bazar ertəsi Prezidentlər Günü (Corc Vaşinqtonun doğum günü) qeyd edilir. Bu federal bayram 22 fevral 1800-cü ildə anadan olmuş ABŞ-nin ilk prezidenti Corc Vaşinqtonun şərəfinə 1879-cu ildən qeyd edilməyə başlanmışdır. Bu il Prezident günü fevralın 17-nə təsadüf edib.

Bundan əvvəl Donald Trampın Manhettenə pullu girişi ləğv etdikdən sonra özünü “kral” adlandırması ilə bağlı söhbətlər gedib. Tramp sosial şəbəkədə yazıb: "Yaşasın kral!" Eyni zamanda, onun taclı şəkli "Time" jurnalının üz qabığında görünüb.

S.Laçın