"Putini Ukrayna üzrə danışıqlardan imtina edəcəyi təqdirdə nə gözləyir?" - "The Wall Street Journal"

Bizi sosial şəbəkələrdən izləyin:

"ABŞ-ın vitse-prezidenti bildirib ki, Ukrayna "suveren müstəqilliyə" malik olmalıdır..."

Əgər Rusiya diktatoru müharibəni dayandırmaq üçün danışıqlardan imtina edərsə, ABŞ hakimiyyəti Rusiya Federasiyasına qarşı sanksiyalar tətbiq edəcək və öz hərbi qüvvələrini Ukraynaya göndərəcək.

Moderator.az xəbər verir ki, bu barədə ABŞ-ın vitse-prezidenti Cey Di Vens "The Wall Street Journal" qəzetinə müsahibəsində bəyan edib.

Onun sözlərinə görə, bu tədbirlər Putini Ukrayna ilə razılığa gəlməyə məcbur etmək üçün lazım ola bilər.

Amerikalı vitse-prezident vurğulayıb ki, Ukrayna "suveren müstəqilliyə" malik olmalıdır. Əks halda, əgər Putin Ukraynanın uzunmüddətli müstəqilliyini təmin edən sülh razılaşmasına razılıq verməsə, ABŞ Moskvaya qarşı sanksiyalar tətbiq edəcək və hətta hərbi əməliyyatlara başlaya bilər.

Vens bildirib ki, əgər Moskva vicdanlı danışıqlar aparmaq iqtidarında olmasa, ABŞ qoşunlarının Ukraynaya göndərilməsi variantı "masada qalır".

Nəşr qeyd edir ki, siyasətçi bu bəyanatı ABŞ-ın müdafiə naziri Pit Hegsetdən daha sərt tonda səsləndirib. Hegset bundan öncə ABŞ-ın Ukraynaya hərbi qüvvə göndərməyəcəyini bildirib.

Rusiya ilə danışıqlar

Bir neçə gün öncə ABŞ prezidenti Donald Tramp Rusiya və ABŞ arasında Ukraynanın taleyi ilə bağlı danışıqların keçirilməsi perspektivindən danışıb.

Bu, uzun müddətdir ki, ukraynalılar və onların Avropalı müttəfiqlərinin iştirakı olmadan Ukrayna ilə bağlı heç bir danışıqların aparılmamalı olduğunu bildirən Avropa və Ukrayna siyasətçilərinin narazılığına səbəb olub.

Avropalılar tələb edir ki, Avropa İttifaqı və Kiyev müharibənin dayandırılması ilə bağlı istənilən danışıqlara cəlb olunsun.