"Kelloqun Ukrayna seçkiləri ilə bağlı bəyanatı uğursuz plandır" - Zelenskinin ofisi

Bizi sosial şəbəkələrdən izləyin:

"Ukraynanın Qərb tərəfdaşları tammiqyaslı müharibəyə daha dərin yanaşma ortaya qoymalıdır..."

Ukrayna və Rusiya üzrə ABŞ-ın xüsusi nümayəndəsi, Donald Trampın müşaviri Kit Kelloqun Ukraynanın ilin sonuna qədər seçkilər keçirməli olduğu barədə planı, hətta Rusiya ilə atəşkəs əldə olunsa belə, uğursuzdur.

Moderator.az xəbər verir ki, bunu Ukrayna prezidentinin kommunikasiya məsələləri üzrə müşaviri Dmitri Litvin bildirib. Məlumatı "nv.ua" nəşri yayıb.

Məlumatda deyilir ki, bununla belə, Litvin Kelloqun bu məsələ ilə bağlı mövqeyini tam qiymətləndirməyin çətin olduğunu qeyd edib.

"Əgər onun planı yalnız atəşkəs və seçkilərdən ibarətdirsə, bu, uğursuz plandır, Putini yalnız bu iki şeylə qorxutmaq mümkün deyil", - Litvin "X" sosial şəbəkəsində yazıb.

Ukrayna prezidentinin müşavirinin sözlərinə görə, Rusiya sanksiyalardan yan keçməyin və neft məhsulları üzərindən pul qazanmağın yeni yollarını tapmaqda davam edir. Bununla paralel olaraq, o, sursat və raket istehsalını da artırır ki, bu da "demokratik qonşularına hörmət etmək üçün deyil".

"Rusiyanın Şimali Koreya ilə hərbi ittifaqı açıq şəkildə atəşkəs rejiminə riayət etmək anlamına gəlmir", - Litvin vurğulayıb.

Buna görə də o, hesab edir ki, Ukraynanın Qərb tərəfdaşlarının tammiqyaslı müharibəyə yanaşmada "daha dərin bir yanaşma" ortaya qoyması daha yaxşı olardı. Bununla yanaşı, o, Trampın vəziyyəti dərindən analiz etdiyini və həqiqətən Putinə təzyiq göstərə biləcəyini qeyd edib.

"Məhz buna görə də komanda üzvləri arasında müharibənin dayandırılması və davamlı sülhün təmin edilməsi üzrə konkret plan üzərində real işə tez bir zamanda keçmək vacibdir", - Litvin qeyd edib.

Kit Kelloq və onun bəyanatları ilə bağlı digər xəbərlər

Bundan öncə xəbər veriib ki, Kit Kelloq Ukrayna ilə bağlı irəliləyişin yaxın 100 gün ərzində əldə olunmasının mümkün olduğunu düşünür. "Mən aylarla, illərlə deyil, qısa müddətdə nəyəsə nail olacağımıza inanmaq istəyirəm", - o, vurğulayıb.

Bundan əlavə, Kelloq bildirib ki, Tramp Ukrayna üçün silah alışını Rusiya Federasiyasının dondurulmuş aktivləri hesabına maliyyələşdirməyi istisna etmir.

"Bu, müzakirə olunmalı olan məsələlərdən biridir və prezidentlə masa üzərində müzakirə olunacaq. Amma bu, problemin həllini təmin edəcək əsas element deyil. Bununla belə, maraqlı məsələdir və müzakirəyə dəyər", - Kelloq izah edib.