Almaniya İlon Maska kütləvi boykot elan edib

Bizi sosial şəbəkələrdən izləyin:

"Maskın siyasi fəaliyyəti, onun sağçı-populist partiyasına dəstəyi "Tesla" şirkətinin Almaniyadakı müştəri bazarına ziyan vurur..."

Almaniya sakinləri "Tesla" avtomobillərindən istifadə etməkdən çəkinməyə başlayıb. Bunun əsas səbəbi İlon Maskın sağçı populist "Almaniya üçün Alternativ" partiyasına göstərdiyi rəğbətdir.

Moderator.az xəbər verir ki, bu barədə Almaniyanın "Deutsche Welle" qəzeti yazıb.

Qəzetin məlumatına görə, bu, açıq şəkildə siyasi xarakter daşıyan bir boykotdur. Əgər boykot biznes dairələrində geniş yayılarsa, bu, Mask üçün ciddi maliyyə itkilərinə səbəb ola bilər. Artıq "Tesla" elektromobillərinin satışı Almaniyada kəskin azalıb və 2024-cü ildə satışlar 4 faiz aşağı düşüb.

Bundan əlavə, bu yaxınlarda keçirilmiş bir sorğunun nəticələrinə əsasən, respondentlərin 65 faizi Maskın siyasi bəyanatlarına görə "Tesla" avtomobili almayacaqlarını və ya lizinqə götürməyəcəklərini bildirib.

Məsələn, bərpa olunan enerji mənbələri üzrə ixtisaslaşmış "Badenova" və "Lichtblick" kimi ən iri enerji şirkətləri öz əməkdaşlarını "Tesla" avtomobillərinə keçirməkdən imtina edib. "Badenova" əvvəllər 11 "Tesla" avtomobilini lizinqə götürüb, lakin mövcud müqavilələrin bitməsindən sonra bu istehsalçı ilə yeni müqavilələr bağlanmayacaq. Bundan başqa, şirkət sosial "X" sosial şəbəkədəki hesabını bağlayıb.

"Tesla"nın məhsullarından imtina edən digər şirkətlərdən biri də Harzefeld şəhərində yerləşən tikinti şirkəti "Viebrockhaus" tikinti şirkətidir. Şirkət əvvəlcə "Tesla"nın istehsal etdiyi enerji saxlama batareyalarını evlərə quraşdırmağı planlaşdırıb. Şirkətin həmtəsisçisi Lars Fibrok İlon Maskın elektromobil sahəsində inqilabi ideyalarını etiraf etsə də, onun "indi seçdiyi yolu" dəstəkləməyəcəklərini bildirib.

Maskın siyasətlə məşğul olması xüsusilə Almaniyada "Tesla" markasına ciddi ziyan vurur. Alman bazarında avtomobil qeydiyyatlarının iki üçüncü hissəsi hüquqi şəxslərin adına aparılır və bu avtomobillərin əksəriyyəti lizinqə götürülür. Müqavilələr tez-tez yenilənir, lakin "Tesla" ilə bağlı müqavilələrin yenilənməməsi markanın gələcəkdə daha çox müştəri itirməsi riskini artırır.

Maskın siyasi fəaliyyəti, xüsusilə sağçı-populist "Almaniya üçün Alternativ" partiyasına dəstəyi, alman ictimaiyyətində "Tesla"dan uzaqlaşma ehtiyacını daha da artırıb. "Deutsche Welle" qeyd edir ki, İlon Maskın siyasi mövqeyi, xüsusilə "X" sosial şəbəkədə sağçı məzmunun yayılması ittihamları ilə şirkətin Almaniyadakı müştəri bazasına ciddi zərbə vurur.