Pentaqon Ukrayna ordusu üçün gəmiləri batıra bilən sirli raket bombası yaradır... "DEFENSE EXPRESS"

"DEFENSE EXPRESS" qeyd edir ki, bu proqramın həyata keçirilməsinin bir hissəsi olaraq, Amerika hərbçiləri perspektivli "Quicksink" özüyönləndirmə başlığını bu "ERAM"-a inteqrasiya etmək istəyir. Belə ki, onun xüsusiyyətləri hətta gəmiləri və digər dəniz hədəflərini batırmağa imkan verəcəkdir.

“Burada onu da təfərrüatı ilə qeyd etmək lazımdır ki, "ERAM" proqramının mövcudluğu ilk dəfə yalnız 2024-cü ilin iyulunda məlum olub, baxmayaraq ki, bu raket-bomba üzərində işə başlamaq üçün müqavilə hələ ötən ilin yanvarında verilib.

Müqavilənin əsas şərtləri "ERAM"-ın 2 il ərzində (yəni 2026-cı ilə qədər açıq-aydın) hazır olmasını və istehsal həcminin ildə 1000 ədəd olmasını nəzərdə tutur. Bu proqramda ABŞ-dən başqa Ukrayna, Danimarka və Hollandiya da iştirak edir” deyə izah edilir.

"Quicksink" haqda nə məlumdur?

"Quicksink" özüyönləndirən axtarıcısının unikal xüsusiyyəti odur ki, o, radar və infraqırmızı axtarış aparatını birləşdirir. O, artıq "GBU-31/B JDAM"-da inteqrasiya ilə sınaqdan keçirilib.

“Bu sınaqların nəticələrini qısaca qeyd etmək üçün deyək ki, uçuşun son mərhələsində birbaşa hədəfə yaxınlaşarkən idarə olunan aviabomba düşmənin elektron mübarizə sistemlərinin təsiri üçün əlçatmaz olub”, - deyə ekspertlər bildirirlər.

“Bir məsələ var ki, "Quicksink"in bir 200 min dollara başa gəlir.
Lakin ABŞ Hərbi Hava Qüvvələri ümid edir ki, bu bələdçi sistem üzərində iş davam etdikcə, hər bir vahid üçün xərc 50.000 dollara qədər azalacaq”, - bəyanatda  belə deyilir.

S.Laçın