Professordan xəbərdarlıq: “İnsanları reklamla tora salırlar”

“Ölkəmizdə özünü həkim kimi təqdim edən bəzi şəxslər reklam vasitəsilə insanları tora salır, bu yolla qazanc əldə edirlər”.

Bunu Moderator.az-a açıqlamasında professor Adil Qeybulla bildiirb. Professor qeyd edib ki, insanlar bu məsələdə diqqətli olmalı, hər gördükləri və ya eşitdikləri şeyə inanmamalıdırlar:

“Təəssflər olsun ki, bizdə reklamdan bəzi hallarda arzuedilməz məqsədlər üçün istifadə edilir. Heç bir savadı, səriştəsi olmayan şəxslər reklam vasitəsi ilə özlərini həkim-mütəxəsis kimi təqdim edir, bu yolla insanlarda özlərinə qarşı maraq və inam yaratmağa çalışırlar. Buna görə də vətəndaşlar bu məsələdə diqqətli olmalı, ehtiyatla davranmalıdırlar. Onlar hər gördükləri və ya eşitdikləri şeyə inanmamalıdırlar.

Ölkəmizdə həqiqətən də savadlı, təcrübəli həkimlər var və onların sayı heç də az deyil. Buna görə də araşdırıb məhz bu cür mütəxəssisləri tapmaq, onlara müraciət etmək lazımdır”.

Seymur ƏLİYEV