"Ukraynada müharibənin başa çatması Putinin deyil, Trampın qələbəsi olmalıdlr" - Zelenski

Bizi sosial şəbəkələrdən izləyin:

"Ukrayna prezidenti ABŞ-ın dəstəyini almaq məqsədilə Putinlə danışıqlardan öncə təşəbbüs göstərir..."

Ukraynada yerləşdiriləcək hər hansı effektiv sülhməramlı qüvvələr mütləq ABŞ qoşunlarını da əhatə etməlidir.

Moderator.az xəbər verir ki, bu barədə Ukrayna prezidenti Vladimir Zelenski bəyan edib. Məlumatı "Bloomberg" nəşri yayıb.

Nəşr yazır ki, Ukrayna lideri Avropa müttəfiqlərinin kifayət qədər əsgərlərinin olmadığını və onların real çəkindirici qüvvə təşkil edə bilmədiyini vurğulayıb. Əks halda, NATO daxilində parçalanma riski yaranar.

Qeyd olunur ki, Zelenski ölkəsində hərbi əməliyyatların dayandırılması üçün diplomatik səylərin artdığı bir vaxtda əsas müttəfiqi olan ABŞ-ın dəstəyini almağa çalışır. O, yalnız Avropa müttəfiqlərinin hərbi dəstəyinin yetərli olmayacağını bildirib.

"Bu, ABŞ olmadan mümkün deyil. Bəzi Avropa dostlarımız bunun mümkün olduğunu düşünür, amma yox, bu mümkün deyil. ABŞ olmadan heç kim riskə getməz", - Zelenski qeyd edib.

Nəşr yazır ki, Zelenski Çinin də Rusiyaya təsirini müharibəni dayandırmaq üçün istifadə etməyə razı salmağa çalışır, amma Çin Sədri Si Tszinpinlə daha tez-tez əlaqə saxlaya bilmədiyinə görə məyusluğunu ifadə edib. Prezident deyib:

"Əminəm ki, o, Putini sülhə təhrik edə bilər. Prezident Tramp ən güclüdür, Si Tszinpin də həmçinin. Düşünürəm ki, bunu edə biləcək başqa müttəfiq yoxdur. Putin Çindən iqtisadi cəhətdən çox asılıdır."

Zelenski əmin olmaq istəyir ki, böyük dövlətlər Ukraynanın gələcəyi ilə bağlı müzakirələr apararkən Kiyevin səsi eşidiləcək. O, hesab edir ki, 2015-ci ildə Minsk danışıqları zamanı razılaşma Ukraynanın maraqları nəzərə alınmadan bağlanıb.

"Biz bunun Ukraynanın arxasından baş verməsini istəmirik. ABŞ-ın bunu etməyəcəyinə çox inanıram, baxmayaraq ki, əvvəllər belə olmayıb. Burada təkcə ABŞ-ı deyil, bəzi Avropa tərəfdaşlarımızı da nəzərdə tuturam", - Zelenski vurğulayıb.

Zelenski xəbərdarlıq edib ki, Qərb müttəfiqlərdən uzunmüddətli öhdəliklər olmadan Putin atəşkəsdən yararlanaraq yenidən silahlanacaq və yeni hücuma başlayacaq.

O, Trampın ABŞ-ın enerji resurslarının ixracını artırma vədinə görə onu tərifləyib və bu addımı Moskvanı sıxışdırmaq üçün bir yol kimi görüb. Eyni zamanda, Zelenski qarşıdakı danışıqları Trampın ABŞ-ın gücünü nümayiş etdirə biləcəyi bir fürsət kimi təqdim etmək niyyətindədir. O, qeyd edib:

Ukrayna üçün hər hansı bir razılaşmanın açarı ABŞ və Avropa tərəfindən təmin ediləcək təhlükəsizlik zəmanətləridir. Bu zəmanətlər Kremlə yenidən işğala cəhd etməyə imkan verməməlidir. Zelenski birbaşa Putinlə danışıqlardan öncə bu öhdəlikləri Trampdan almaq niyyətindədir.

"Məsələ yalnız təhlükəsizlik zəmanətlərinin necə olmasındadır. Açığını deyim ki, bu diplomatik yola getməzdən öncə dəqiq anlayışa malik olmaq istəyirəm. Əgər o, Ukrayna üçün güclü və dönməz təhlükəsizlik təminatlarını zəmanət edə bilsə, biz bu yola qədəm qoyacağıq", - o, vurğulayıb.