"İsrail "Hizbullah"ın silahlarını Ukraynaya verəcəkmi?" - İsrail mətbuatı

Bizi sosial şəbəkələrdən izləyin:

"İsrail Rusiya və İranın yaxınlaşması fonunda xarici siyasətini dəyişir..."

Ukraynanın İsraildəki səfiri Yevgeni Korneyçuk İsrail xarici işlər nazirinin müavini Şaren Haskel ilə görüşüb.

Moderator.az xəbər verir ki, bu barədə "telegraf.news" nəşri məlumat yayıb.

Məlumatda deyilir ki, görüş zamanı Ukrayna səfiri Haskelə İsrail ordusunun Livanda və yəhudi dövlətinin digər düşmənləri tərəfindən ələ keçirilmiş Rusiya istehsalı olan silahları Ukraynaya vermək təklifinə görə təşəkkür edib.

"Bu təşəbbüs hər iki ölkənin qarşılaşdığı ümumi təhdidləri tanımaqda mühüm bir addımdır. Ukrayna tərəfi bu məsələnin müsbət həlli üçün ümidlərini ifadə edib", - Ukraynanın İsraildəki səfirliyinin bəyanatında deyilir.

Həmçinin tərəflər hər iki ölkə üçün ümumi çağırışları müzakirə edib, xüsusilə İran və Rusiya arasında hərbi əməkdaşlıq, bu əməkdaşlığın Ukraynanın və İsrailin milli təhlükəsizliyi üçün təhdid yaratmasına diqqət çəkib. Korneyçuk bu təhdidə qarşı uğurlu mübarizənin hər iki ölkənin ümumi maraqlarına aid olduğunu vurğulayıb.

Bu görüş Ukrayna və Rusiya kütləvi informasiya vasitələrində geniş yayılmış xəbərlərə səbəb olub. Çoxsaylı şərhçilər arasında ümumi fikir budur ki, İsrail xüsusən Rusiya və İranın yaxınlaşması fonunda xarici siyasətini dəyişir.

Rusiyada isə Ukraynanın səfirliyinin açıqlamasına dərhal reaksiya verilib. "Voyennoye obozreniye" ("Hərbi icmal") nəşrinin fikrincə, "Holokostda birbaşa iştirak etmiş hərbi cinayətkarların adlarını küçələrə qoyan bir rejimə silah vermək" İsrailin siyasi rəhbərliyini təəccübləndirməlidir.

"Nəhayət, "HƏMAS-ın "Rusiya silahları" barədə bəyanatlar İsrail komandanlığının bir zamanlar Qəzzadakı məktəb və xəstəxanaya edilən hər hansı hücumu "hərbi obyektin məhvi" adlandırdığına bənzəyir", - nəşr yazır.

Xatırladaq ki, 2024-cü ilin iyun ayında ABŞ, İsrail və Ukrayna Kiyevə daha 30 ildən çox istisnarda olan "Patriot" hava hücumundan müdafiə sistemləri vermək üzrə danışıqlar aparıb.

İsrail hərbi rəhbərliyi Livanın cənubunda ələ keçirilmiş Rusiya və İran istehsalı silahlar haqqında ilk dəfə noyabr ayında danışmağa başlayıb.

Əvvəlcə İsrail ordusunun bu silahları terrorçuların infrastrukturunun dağıdılması zamanı partlatmağı planlaşdırdığı bildirilib. Lakin sonucda yüksək səviyyəli qərarlarla tapılan silahların bir hissəsinin İsraildə gətirilməsinə qərar verilib.